ثريد: ازاي تحدد فترات الطلاق، الانفصال وانتهاء العلاقات العاطفية من الخريطة. #ابراج #خرائط_فلكية https://t.co/xXe8Cdce6z
للوهلة الاولي يبدو ثريد بائس للغاية ولكن في الحقيقة احنا ممكن نعتبره عملي، ماعرفش ازاي بس اعتبروه معايا ? المهم هنحدد خلال الثريد دي الفترات اللي ممكن تتعرض فيها للطلاق، الانفصال او تنتهي بعض العلاقات في حياتك. ومن دلوقتي بأكد ان النتيجة النهائية دايماً معتمدة علي خريطتك كلها.
١. عودة زحل:
مش كل الاشخاص اللي بتمر بعودة زحل بتتعرض للطلاق او الانفصال بالعكس في ناس بتتزوج وترتبط خلال الفترة دي ولكن لو انت في علاقة والعلاقة دي بدأت تواجه تحديات خلال مرورك بعودة زحل يبقي توقع انها تنتهي او يحصل انفصال قد يكون للأبد وقد يكون لفترة علي حسب وضع خريطتك وقتها.
? لو مش عارف يعني ايه عودة زحل، ببساطة هي عودة زحل لنفس درجة وبرج زحل تبع خريطة ميلادك واول عودة بتمر بيها بتكون علي نهاية العشرينيات وبيبقي ليها اثر كبير علي مرحلة الثلاثينات في حياتك.
٢. اقتران اورانوس العبور بالطالع / عبور اورانوس علي بيتك٥ او ٧:
الوقت ده تحديداً في علاقات كتير بتظهر في حياتك سواء كنت مرتبط او لأ وخاصةً لو انت مرتبط الوضع بيكون معقد اكتر و بنسبة كبيرة استمرار وجدية العلاقات دي بيكون مش قوي. فاحتمالية انك ترتبط وتنفصل او تنهي علاقة قديمة بتزيد
