جملة إن ميسي أفضل لاعب في تاريخ الكورة أو إنه أسطورة أو وصفه بأي أوصاف أخرى على نفس السياق، هي أوصاف بتقلل من ميسي مش بتوصفه بالشكل اللي يستحقه فعلًا،

ميسي أكبر من مجرد أسطورة وأكبر من إنه يتقال عليه لاعب كورة من الأساس.

ثريد الوداع. https://t.co/U4rdO7BCc9

ميسي فعلًا عمره ما كان عبارة عن شخص بيلعب بجلدة مدورة، ميسي حوّل اللعبة دي لشيء تاني أبعد ما يكون عن كونه مجرد لعبة، أكبر أكذوبة وجهها ميسي للعالم إن الكورة سهلة أوي كده وهي في رجله، رغم إنها صعبة وصعبة جدًا كمان. https://t.co/A1EFnbdplL

أنا شخص مر بظروف سيئة كتير في حياته، ظروف سيئة على أصعدة كتير، لكن العامل المشترك في كل الأوقات السيئة إن ميسي كان أكبر عامل بيهوّن على الواحد حياته، أول تيشيرت جبته في حياتي كان روني لما كان بيلبس 8 معانا، وميسي لما لبس 19. https://t.co/UFrk1BOAxc

أنا شخص مستحيل تلاقيه بيحب شيء بجنون، مش بقدس الناس ولا الأشياء، مش غرور، لكني مقتنع إن مفيش شيء يستحق الحب المبالغ فيه من الناس، إلا ميسي،

انا بتفرج على ميسي من ساعة ما لبس 30 و 19، كل فترة له كان لها تفاصيل وذكريات كتير في حياتي،

لما كان شاب صغير، كنت بتفرج على ماتشات برشلونة وأروح بعدها أحمل فيديوهات على فلاشات وأجري على الكومبيوتر القديم بتاع زمان اللي كان في معظم البيوت وأتفرج تاني، https://t.co/8p4nfCtwVU