شاب سوداني يروى فصول من معاناته مع الهجرة على متن قارب كاد أن يتلاشى في عرض البحر

ويسألونك عن السمبك؟

قصة الصديق مؤتمن مع السمبك ممكن تكون درس لكل الشباب الخاتين قدامن السمبك ك خيار ،طبعآ القرار قرارك في الاخير والاقدار بتختلف ، مؤتمن كتب :

تابع الردود اسفل التغريدة ? https://t.co/bIVso1KUvt

(1)

طلعتا من السودان يوم 29/3/2017 بحالة نفسية سيئة جدا ، ركبتا الخطوط الأفريقية ونزلتا في مطار (معتيقة) بطرابلس ، بعد تعب وجرجرة وصلت مدينة (الخمس) قعدتا فيها شهر 4 كلو منتظر شهر 5 أجي عشان البحر اروق واركب .

(2)

بقينا نسأل عن أفضل المهربين في المنطقة لقيت سوداني (ود كلب ) قلت لي انا شايل معاي قروش كويسة وعايز قارب (بتاع حديد ) مهما كلف !!!

دلاني علي مهرب وقال لي دا أفضل مهرب في ليبيا لانو ما بشيل في (القارب ) اكتر من 45 وقواربو حديد. .

(3)

قلت لي تمام شال مني (1500) دينار ومشيت علي كدا ، الصباح أجرت عربية ومشيت لمنطقة (مطرق) وصلتها في تمنية ساعات.

كنت خلالها بتنقل من عربية لي عربية في سرية تامة لحدي ما وصلت مزرعة كدا وسط مزارع كتيرة، قعدتا فيها 10 يوم لوحدي ما معاي إلا أربعة خرفان وتلفزيون ..

(4)

(الصوت حقو ما شغال ) ومحزرني ما أصل الباب ولا افتح لي زول إلا اجدع لي حجر ...

في واحد بجيني الصباح بدي أجيب لي (أكل وسجار) تاني بقو في شباب بجو اسطلو في المزرعة بقعدو اونسوني واتخارجو. ...

تاني جابو لي سوداني (احمد) قعدنا تمينا 15 يوم وفي آخر يوم زي الساعة 11 مساء جانا ..