أسطورة النهاردة عن الأميرة ماربيسا والبطل ايداس..
وفقًا للأساطير الإغريقية، وفي منطقة اسمها أيتوليا Aetolia في اليونان، كان فيه ملك اسمه ايفنيوس Evenus كان عنده بنت جميلة جدًا اسمها ماربيسا Marpessa وكان رافض تمامًا أنها تتجوز من شدة تعلقه بيها.. https://t.co/y04iKmzDd1
وبسبب رغبته في بقاء ماربيسا معه للأبد، كان بيرفض كل الأمراء والأبطال اللي بيطلبوا ايدها للزواج ويقول لهم أن بنته هتفضل عذراء. ولما الأسئلة كترت ومابقاش عارف يوفر أسباب مقنعة للرفض، قرر أنه يعمل شرط تعجيزي لأي شخص عايز يتقدم لماربيسا
وهو أن الشخص ده لازم يدخل في سباق بالعربات – اللي بتجرها الخيول – مع ايفنيوس.. واللي هيقدر يسبق ايفنيوس هيفوز بماربيسا كزوجة، واللي مش هيقدر يسبقه هيتعدم!
وبالفعل أقبل الكثير على السباق وهم فاكرين أنهم عادي ممكن يسبقوا رجل عجوز ويفوزوا ببنته الجميلة،
ولكن للأسف ايفنيوس كان كل مرة هو اللي بيسبق وبيعدم الخاسرين. ايفنيوس مكانش بطل ولا محارب ولا أي حاجة ولكن تفوقه كان سببه العربة بتاعته لأن الخيول اللي بتجرها كانت هدية من إله الحرب آريز Ares وبالتالي مفيش أمل لأي حد يكسب السباق.
ده طبعًا قبل ما يجي البطل ايداس Idas..
ايداس كان عارف اللي فيها وعارف موضوع الخيول الإلهية دي، وعلشان كده قبل ما يروح يطلب ماربيسا للزواج، طلب من إله البحر بوسيدون Poseidon – يُقال إنه أبوه – عربة بأجنحة. بوسيدون رفض في الأول لكن ايداس توسل إليه لحد ما بوسيدون وافق علشان يخلص من الزن بتاعه.
