? السياحة في روسيا

كثير طلبني اتكلم عن رحلتي ل #روسيا

اليوم كتبت لكم #ثريد عن كل شي تحتاجه قبل لا تسافر بالتفصيل

☑️ احفظ التغريدة بتحتاجها بعدين

? لايك وريتويت قبل لا نبدا

جهز الشنطة من الحين ??? https://t.co/jxnhTGK7Ek

1️⃣ التأشيره

طبعا قبل لا تسافر اي دولة لازم تعرف وش تحتاج عشان تدخلها.

لكن بالنسبة لروسيا تحتاج تأشيره تطلعها اونلاين ب ٣٥٠ ريال تقريبا من موقعهم، عن نفسي كلمت واحد وهو زبطها.

تقدر تروح اي محل او تطلعها بنفسك.

2️⃣ الطيران

اول شي عندك الطيران تقدر تحجز في اي طيران انت حاب.

تقدر تشيك على:

▫️تطبيق Wego

▫️تطبيق المسافر

▫️تبحث عن طريق قوقل

وتشوف ارخص طيران

بالاخير تروح لموقع الطيران الاساسي وتحجز منه.

عن نفسي لقيت طيران اذربجان ترانزيت في باكو بعدها تروح لموسكو، الحجز كان تذكرتين رايح وراجع.

? التكلفة: 2230 ريال

3️⃣ ورقة مهمه

وقت ماتدخل روسيا بيعطونك ورقة بيضة صغيرة بكبر الجواز. احفظها عندك ولا تضيع لانها مهمه جدا واذا ضيعتها ماتطلع الا لمن تدفع غرامة 200 دولار.

? لا اخذتها خلها داخل جوازك

4️⃣ الفلوس

بالنسبة للفلوس أول شي تحولها للدولار او لليورو.

حول ل 3000$ حق 10 ايام تكفيك وزيادة.

لمن توصل روسيا تقدر تحول لروبل (عملتهم) مبلغ يكفيك حق التاكسي والفندق ولا تحول كل الفلوس لانه المطار تحويله اقل من المحلات في داخل موسكو.

حول 1000$ والباقي حولها بمحل ثاني بداخل موسكو بس مش امورك بالتاكسي وحجز الفندق عشان ماتبتلش وتريح شوي بعد السفر بعدين تقدر تصرف الفلوس براحتك.

من افضل اماكن الصرف في موسكو

Yandex:

Chestnaya klinika

Moscow, Mira Avenue, 79

https://t.co/dNbQcLdyvw

Google map:

https://t.co/VNVteJ27JZ