اهلاً

كنت اسولف مع شخص عن ال freelancing و جا طاري المبالغ وانه صعب ياخذ مبلغ كبير و غيره ياخذ اقل و هذا الشيء مكرهه في الشغلة و بعد نقاش قلت له اني اخذ اكثر يعني فيه مشروع سواه بمبلغ لو مر علي سويته بدبل المبلغ اللي خذه او اكثر المهم سألني كيف راح اقنع العميل يدفع مبلغ زي كذا!

كلمته مثل ما كنت بأكلم العميل و انتبهت لشغلة ، خويي و غيره يبيعون كود و انا ابيع منتج متكامل !

و أعتقد ان هذا الشيء طلع معي بسبب اني اشتغلت قبل في شركة تسويق و سويت اشياء غير البرمجة حضرت اجتماعات لازم اكون مقنع فيها و مسكت نوع من انواع التسويق (ال promoted content ) الخ

طيب وش المقصد بانك تبيع منتج ما تبيع كود ؟

اي واحد يكتب كود يقدر يسوي لك برنامج يشتغل

اغلب اللي لهم فترة يبرمجون يقدرون يكتبون كود نظيف "اذا اشتغلوا بنفس"

اغلب اللي يبرمجون بعد يقدرون يكتبون لك كود scalable و يسوون documentation للشغل

بس اللي مو الكل يسويه هو انه يقدم باكج

يعني نفرض ان فلان يبي يسوي موقع ، عطاك ال requirements اللي يبيها و فصلتها مع الرجال و حسبت حسبتك و جيت تعطيه السعر.

انت ما يناسبك اقل من ٢٠ الف على المشروع هذا مثلاً و من حقك تطلب المبلغ اللي تشوفه مناسب بس فيه غيرك بيسويه ب ٥٠٠٠ و يمكن اقل ! ليش العميل هذا بيجيك ؟!

لما يكون عندك باكج متكامل تبينه للعميل راح يشوف ليش سعرك كذا و يشوف الفرق بينك و بين ابو ٥٠٠٠ ، انت راح تبلغه بأن الكود حقك scalable و ال infrastructure بعد scalable و بدون تدخل منه و تقدر تضبطها بحيث تصرف اقل صرفية ممكنة بدون ما تأثر على الأداء