س/ هل ممكن يجيني التهاب الكورونا من غير ما تجيني اعراضه ؟!
ج/ اي ، دي اسمها sub clinical infection , انو الطفيل/ البكتريا/ الفيروس/ يخش جسمك لكن مناعتك تقدر تقاومه و تكون ضده اجسام مضادة ،و خلايا ذاكرة مناعية
لحدي هسي مالاقتني دراسة بتتكلم عن ال #COVID19 في الحتة دي
س/ ليه ؟
ج/ لانو اخونا دا من عيلة كبيرة اسمها الفيروسات التاجية ( corona viruses) ,لكن هو في روحه جديد كرت ،يعني بنقدر نتوقع سلوكه بناء على خصائص العيلة الكبيرة لكن في حاجات الا نستناه يعملها عشان ناكد منها بالدراسات والابحاث
س/ يعني نحن قعد نكتشف فيهو ؟!
ج/ اي و دي حاجة ممتعة للعلماء
لانو انت بدل ما تقعد تقرا الحاجة و حصلت زمان انت قعد تشوفها بتتصرف قدامك ،. بتخت فرضيات و تدرسها و تطلع منها بنتائج و يمكن نظريات
س/ طيب لو هو ممكن يجيني و ما احس بيه ليه لازم الجوطة دي كلها ؟!
ج/ لانو من ما يخش جسمك لحدي ما تظهر الاعراض دي اسمها فترة حضانة انت بتكون فيها
عادي لكن ممكن تنشر الفيروس لزو لمناعته اقل ، اهلك الكبار ، جدك حبوبتك ، خالك العندو سكري ، عمك العنده ضغط ، ود اختك اللي عنده ازمة و ديل كلهم لو لقطوا الفيروس احتمال انهم يتعبوا من شديد عالية ، و لا سمح الله احتمالية الوفاة عند الناس العندهم الامراض دي كبيرة لانو مناعتهم ضعيفة
س/ يعني عشان كدا انا اعزل نفسي لو حسيت بالاعراض دي ؟!
ج/ اي ،و تنبه الناس ديل وقبل كدا تمشي لاي مركز صحي او مستشفى او تتصل بناس الوبائيات ،حفاظا على صحتك البتحبهم ،دي مسؤلية عليك
س/ طيب انت بتتكلم عن الفيروس وانه نسبة الوفاة بسيطة لكن ال WHO اعلنت الطواريء اصدق منو فيكم ؟
