مساء الفل عليكوا

قلتلك ا حكتب ثريد عن زيارتي لمصر بعد 3 سنين متواصله

للأسف الاجازه كانت 12 يوم فقط

وصلت المطار 6 ونص صباحا على @EGYPTAIR رحلة 613

رحله جميله الحمدلله

دخلت الجوازات ظابطه مبتسمه وكلمتين ترحاب حلوين

اتجهت للشنط و كالعاده حظي الزباله في كل مطار

اروحه شنطي توصل اخر شنط اوقبل الاخيره وطبعا الخوف من دخول الجمارك انتابني لاني واحد بتابع السوشيال ميديا اللي مصورالي الجمارك بقت بعبع مرعب وصلت الجمارك تحيه وابتسامه حمدلله على السلامه وسألني مع حضرتك حاجه قلت له لا رد عليا نورت مصر و مشيت

#ماتسمعوشكلامالسوشيال_ميديا

خرجت بره كان الجو برد جدا وانا لابس صيفي جدا وريحة هوا مصر الذي لايضاهيها جمال اي ريحه و بدأت رحلة الذهاب لبيت والدتي في العاده لا تقل عن ساعه وربع او نص

ولكن وصلت في 22 دقيقه مشينا من طريق انا ما اعرفوش طريق واسع جدا أسفلت حرير بس ده اللي انا وصلت

تاني يوم قررت اروح اجدد الرقم القومي المنتهى من 4 سنين ودع موضوع مرعب بالنسبه لي زحمه ومكان قديم وموظفين حكومه دمهم تقيل على قلبي ولكن والدتي قالتلي الحياة أسهل من كده حخلي السواق يوديك تطلعها فوري من مول مصر هو أقرب حاجه ليا

رحت فوجئت بمبنى خارج المول نضيف جدا وكراسي محترمه

والأهم موظفين مش مكشرين وفيه ماكينة أرقام و دور وطابور

#ماتسمعوشكلامالسوشيال_ميديا بس علشان كالعاده حظي سيئ طلبوا مني قسيمة الجواز ????? انا ماعرفش هي فين و مش موجوده على سيستم الداخليه قالولي روح محكمة الاسره في امبابه كنت شايل هم المشوار فقلت للسواق حناخد يوم على مانوصل