ماعرفش ليه الناس بتعشق تقدس العشرينات. انا داخلة عال ٣٠ وادي ثريد نصايح:

١) تقبل فكرة ان مالكش طريق واحد في الحياة. الشغلانة او الدراسة مش معناها انك محبوس. مسموحلك تغير طريقك وتبدا من الاول عشان احتياجاتك واهتمامك بتتغير عشان إنت مش linear

٢) العشرينات معمولة للفشل والغلطات https://t.co/WVetNIHVZI

٣) كل ما حاولت تبذل مجهود في انك تبقي perfect هاتفشل

٤) كل ماجلدت نفسك عالفشل هاتفشل اكتر

٥) كل ما حطيت علي نفسك ضغط المجتمع انك تقرر مصيرك وانت عيل صغير هاتفشل

٦) ايوا انت في العشرينات عيل صغير وحياتك لسة مابداتش

٧) العلاقات هاتفشل لو دخلت فيها وانت مش عارف انت مين وعايز ايه

٨) بمناسبة العلاقات انت نفسك بتتغير وتقبل فكرة ان العلاقة مع حد ياما تكبروا مع بعض ياما تكبروا ويبقي في بينكم فجوة بتوسع. تقبلوا ان احسن ميت مرة انك تسيب حد مش مناسب ليك عن انك تضيع سنين بتعافر وانت من جواك عارف ان مافيش امل

٩) ال gut feeling علميا صح ومخك بيحذرك انت مش مجنون

١٠) لو وصلت لاسوا حالاتك وفقدت امل افتكر ان لو انت في اوطي مرحلة في حياتك الاتجاه الوحيد اللي فاضل انك تتطلع وحتي لو نزلت تاني نفس المنطق

١١) صحتك النفسية اهم حاجة ولو تجاهلتها اكنك بتبني عمارة علي ماية. مافيش حاجة هاتثبت وهاتتدمر

١٢) صحتك الجسدية مهمة جدا. بطل سجاير.

١٣) النوم العامل المشترك في كل الامراض النفسية. لو مانمتش كويس كل يوم عمرك ما هاتعرف تنجح او تعيش. مهما حصل النوم والروتين هم الطريق لصحتم النفسية

١٤) مش لازم تبقي قوي او سعيد طول الوقت

١٥) ماتشوفش نفسك من عين حد تاني لو رايه فيك. رايك في نفسك هو اهم حاجة بس أتعلم التواضع