#قصةفيسطور

#كناريا

علي سجادة الصلاة

صلاة الفجر

ضوء اصفر يدل علي اشراقة فجر يوم جديد

يجلس علي سجادته في مسجد

حوائطه واحجاره القديمة تحكي قصة مصليين احتواهم المسجد من سنوات وسنوات..

يبدو انه انتهي من صلاته

ويناجي ربه..

ويبدو من طريقة جلوسه وثني رجله

انه لايقوي علي الجلسة الصحيحة https://t.co/VhgE9o0Nvq

انحناءة بسيطة في ظهره

تري هل تدل علي كبر سنه..رغم انه لم يتعدا ال50 سنة

ام انها انحناءة شقى عمر وكفاح من اجل العيش..

يناجي ربه ويدعوه بقلب وَجِلْ..

وميل راسه قليلا نحو اليمين..

وكأنه يتمني من الله أن يكون من أهل اليمين..!

يا الله..يا الله..

يقولها ودموع خشوع تملأ وجهه

بتبين ضعفه قدام ربه

بيهمس بإيه ياتري!

كأنه متاكد ان ربه هايجبره

خلص الصلاة والمناجاه

قام ولم السجادة وحطها تحت باطه

خرج بمشيته البطيئة

بيزُك برجله اليمين والتانية مقوسة تقوس خفيف

تقريبا بيعاني من خشونة لكن عمره ما اشتكى

ولا استسلم

كل يوم يروح نفس المسجد يصللي كل صلاة الوقت بوقته

يمر عالفرن اللي بيفتح بدري يجيب عيش سخن

يمشي في الشارع الفاضي بكل هدوء

ياخد نفس عميق من نسمات الفجر النضيفة اللي بتلمس وجهه كأنه بيملا صدره بجمال الحياه وفضل الله عليه

وطول ماهو ماشي بيذكر الله ويحمده بصوت خافت ويصللي عالنبي

يطلع السلالم

سلمة سلمة لحد الدور التالت

وهو بيفتح الباب بالمفتاح اللي حطه في ايده من جيبه وهو ماشي عشان ما يتعطلش

كانت ام محمد سابقاه وبتفتح له

اصلها بتسمع خطوته في الشارع وحافظاها وبتصحا هي كمان تصللي الفجر وتستناه

وزي كل يوم قالتله اول مافتحت له:في الحرم ان شاء الله يا حاج