النهاردة حاتكلم بسرعة عن نظرية Kurt Lewin للتغيير لأنني حاسة إن ده اللي بيحصل في مصر حاليا

كورت لوين عالم ألماني نظريته للتغيير مستخدمة في أغلب الشركات الكبيرة

في الحقيقة احنا بندرسها للطلبة في الجامعة

النظرية بسيطة لكن تنفيذها صعب

أول مرحلة هي ال unfreeze

او رفع التجميد/1

الشعوب أو البشر عموما بيكرهوا التغيير و بيحاربوه بكل الطرق الممكنة فلازم علشان تعمل تغيير تفك الوضع القائم بطرق كتير

لازم يكون معاك ناس بتساعدك و أحسن طريقة انك تبتدي فعلا تغير الوضع القائم بسرعة جامدة

تعمل خلخلة و رجات جامدة

محتاج فريق عمل قوي و بتكون مستعد للمواجهة/2

المواجهة حتحصل مع أعداء التغيير و لازم الصمود و استخدام كل الطرق الممكنة لزيادة عدد الناس المستعدين للتغيير و المتقبلين لوضع جديد

المرحلة التانية هي

Change

إعلان التغيير و الكلام عنه بوضوح و برضه استخدام كل الوسائل الممكنة لإقناع الناس إن ده في مصلحتهم

زيادة وتيرة التغيير/3

في المرحلة دي لازم التخلص من كل حاجة ممكن ترجع الوضع السابق قبل التغيير

لازم يتم السيطرة علي كل أعداء التغيير

في الشركات ده بيتم بإزالة أو التخلص من شخصيات معينة ممكن تقف في سكة صانع القرار

في دولة بيكون الوضع أصعب

لازم التذكير بأهمية التغيير و حتميته/4

المرحلة الثالثة هي تجميد الوضع علي التغيير

Refreeze

في المرحلة دي يتم تثبيت التغيير بكل الوسائل المتاحة و الحديث عنه و عن إيجابياته

يتم التفاعل مع الجميع بكل الأساليب الممكنة لتثبيت الوضع و نشر الإنجازات اللي حصلت بسبب التغيير

عدد الناس المتقبلة للوضع الجديد بتزيد/5