ثريد: كواكب البيت ٩ "الجزء الثالث" … #أبراج #خرائط_فلكية https://t.co/80KwU2qPFd
في الثريد دي هنكمل اثر باقي الكواكب في البيت ٩ اللي لم يتم ذكرها في الجزء الأول والثاني. كالعادة دي نظرة عامة ومش تفصيلية فالهدف من طبيعة الثريدات دي انها تلهمك او تدفعك للبحث بشكل اعمق وتأكد ان خريطتك دايماً ليها الكلمة الأخيرة عزيزي القارئ :)
١. زحل:
بغض النظر عن سنك وجود زحل في البيت ٩ دلالة علي حكمة كبيرة. شخص ناضج، ادراكه عالي ومؤمن بأهمية الاجتهاد اكتر من الحظ. الشخص هنا "بيخلق" فرص لنفسه ومش بينتظر ظهور الفرص اللي تناسبه! اصحاب مبادئ صعب تتجزأ واحياناً يصعب التعامل معاهم.
احياناً مشكلة زحل في البيت ٩ ان الشخص عايز ينجح بس خايف يسيب نفسه، مش متأكد اذا كانت الفرص المتاحة هي الفرص المناسبة او لأ! في خوف من التغيير سواء في المعتقدات او الاراء والعادات، لحد ما الشخص بيتعلم وبيبدأ يتأقلم بشكل افضل. المسألة ممكن تاخد وقت منهم ولكن بالتأكيد بيتعلموا.
٢. بلوتو:
مفيش اعمق من شخص ببلوتو في البيت ٩ ومن وجهة نظري اشخاص جداً معقدة وصعب تفهم دوافعهم او تتقبل وجهات نظرهم بسهولة بس في صوت داخلي هيقولك ان الاشخاص دي وجهة نظرهم بتمثل الحقيقة بنسبةً ما. مكان صعب لأن الشخص ممكن يسعي لحياة متطرفة او يخاطر بكل شئ دفاعاً عن قناعاته.
