هذا الThread راح يكون تغطية بسيطة
عن رحلتي الى فلسطين ?? و إسرائيل ??
"انطباعات مبدئية مو بالضرورة تمثل الواقع"
اتصلت بصديقي محمد من الموصل گتله حمودي
رحلة لتل أبيب ب خمسين دولار روحة رجعة تجي؟
هنا بدأت الرحلة من مطار وارشوا في بولندا. https://t.co/iRV4cgePHF
وصلنا لمطار بن غوريون و من عاداتي "السويدية"
اروح على المكينة اطلع الفيزا علمود اتحاشى
سوالف وية ال"بشر" و طب اشتغل الإنذار فرحت
على الشباك شاف إسمي "المرتضى علي" و جوازي
عليه فيزا من "لبنان" و ولادتي "بغداد" انصدم الشرطي
- شعندك هنا؟ سياحة
تفضل اگعد ع صفحة بغرفة صغيرة و اخذ جواز
گعدنا ما يقارب 4 ساعات من خلالها مرينا بتحقيق متقطع و تفاصيل كثيرة منها حتة طفولتي مع ضابط شرطة جدي و امرأة لطيفة مبتسمة تسجل كل ما يقال على الحاسبة باللغة الإنجليزية من ضمن المواضيع "تهجير الأطباء" "جيش المهدي" "حزب الله" "القاعدة" و اهلي و اسماء أصدقائي.
بحياتي ما مريت بهيجي تحقيق بعدها شخص يتكلم لهجة "عراقية بغدادية" قريبة عن قلبي لكن بركاكة رحب بي و قدم مي و اتأكد اني شربت بنظرة خاطفة حتى صدمني بسؤال
"انت ولد بغدادي شعندك وية هذا المصلاوي؟"
جاوبته صاحبي
"گلي انتو مو دگولون 100 واوي ولا مصلاوي؟"
شوية بانفعال جاوبت لا عيب.
المهم بعج طول إنتظار طلع ضابط مد ايده صافحني و انطاني الجوازات مع إبتسامة شرقية "welcome to Israel" و سألنا أحجز لكم تكسي ع حسابي؟ ? گتله لا شكرا جزيلاً.
اول ما تطلع علم إسرائيلي جبير كلش عنج باب الخروج جان شكله غريب لان ما متعود ع سوالف الوطنيات الي ما موجودة بأوروبا https://t.co/sT7alqodJ8
