#زراعة_البصل
أسمي وليد خالد من ولاية نهرالنيل محلية المتمة قرية الحقنة(شلال السبلوقة)
خريج جامعة الرباط الوطني قسم علم النفس السريري والجنائي .
نبدا ليكم
اسم المحصول البصل طبعا
البصل يعتبر من الخضروات التي تستهلك بصوره كبيرة جدا في السودان ويتم تصديره ايضا الي بعض الدول منها https://t.co/qv7VFBN9Af
جنوب السودان واريتريا واثيوبيا
الموسم:
البصل في السودان عندو ثلاثة مواسم
بصل صيف ودا زراعتو بتكون في بدايه شهر الصيف بتزرع
وبصل شتاء بدايه موسم الشتاء يعني شهر 11تقريبا
بصل خريف ودا زراعتو شهر 6
الانواع :
في زي 3 أنواع من البصل الاول البصل العادي المعروف عندكم والتاني البصل
الاسباني والتالت عندنا بنسمي مخوزق (مخوزق دي جايه عشان ماعندو موسم معين ?)بتعمل في السلطه وبكون في الاسواق الكبيرة مربط في شكل حزم صغيرة زي الجزر
يلا حا اتكلم ليكم عن بصل الخريف والبتكون زراعتو بعد العيد طوالي
اولا شي ومن أهم مقومات نجاح البصل تلاتة حاجات اولهم الارض الزراعيه
تاني شي جودة التقاوي تالت شي المزارع النجيض شديد
يلا نجي لي موضوع الارض طبعا نحن عندنا في الحقنه الاراضي حقتنا بسيطه مامساحات كبيرة الناس زمان بتزرعها بس اسي بقو يتوسعو فب الزراعه عشان كدا في موسم الزراعه بقو يهاجرو لي 3 ولايتين اساسيتين فيهم زراعه البصل كسلا والشماليه فيهم
اراضي كويسه شديد وسمحه لزراعه البصل +عطبره والدامر الهم اصلا في نفس ولايتنا
يلا طريقة الزراعة بتم بي طريقتين يا إما تلقي زول يأجر ليك ارض بي مبلغ وانت تزرع بي طريقتك (ايجار الفدان في كسلا والشماليه من 5 الف لغاية 10 يختلف بي اختلاف المكان والارض نفسها وبعدها وقربها من المدينة
