الثريد ده غالبًا فرصة كبيرة لتغيير شغلك وحياتك للأحسن فمتضيعهوش.
مساء الخير على محاربين الظروف في كل مكان. امبارح Google أعلنت بالشراكة مع Coursera عن إطلاق 3 مسارات تعليمية جديدة لأي حد عايز يتعلم تحليل البيانات DS، أو إدارة المشاريع PM، أو تصميم تجربة المستخدم UX. https://t.co/e9LiwF1ApB
.
البرامج دي جوجل أطلقتها ضمن مبادرة اسمها #GrowWithGoogle بمحتوى إنجليزي، ونسخة منها بالعربي اسمها #مهاراتمنجوجل، بتهدف من خلالها تعلم الناس مجالات تضمن لهم فرص عمل مجزية..
هتكلم عنها بتفاصيل أكتر في الكام فقرة الجايين
=
أنا في آخر 2018 كتبت هنا إن فيه 15 شركة عالمية، على رأسهم جوجل وآبل قالوا إنهم هيلغوا شرط إن الشخص اللي هيتقدم على أي وظيفة عندهم يكون معاه شهادة جامعية، وإن أي حد دارس المجال مع حاله، أو عنده سنين خبرة تأهله يقدم على الشغل فـ ممكن يقدم ويا مرحب بيه. جميل؟
.
فـ عشان جوجل تساهم في سد الثغرة دي، أطلقت المباردة اللي ذكرتهالك فوق، عشان تقدم محتوى تعليمي الناس تتعلم من خلاله المجالات اللي هتشتغل فيها -سواء هتقدم عندهم أو لأ-، وبالفعل بقى عندهم مكتبة ضخمة من الكورسات في أغلب المجالات.
.
بالتزامن مع كده أطلقوا مسارات تعليمية تحت اسم "شهادات جوجل المهنية - #GoogleCareerCertificates"، ودي بتقدم أساسيات مجالات كتيرة للناس يذاكروها ويقدروا بعدها يشتغلوا أول شغل كـentry-level job وبعده يكتسبوا خبرة ويترقوا وخلافه.
