ثريد ? كيف تصبح frontend developer في ٢٠٢٣

بس الاول خلينا نعرف يعني ايه frontend dev وبعدها نتكلم عن الخطوات بالترتيب..

عندنا تخصصين رئيسين في بناء المواقع وتخصصات فرعية

فالشخص المسؤول عن تطوير واجهة الموقع يعني شكل الموقع وطريقة تفاعل الناس معاه هو ال frontend

اما المسؤول عن تحليل البيانات اللي بتيجي من الفرونت وتخزينها في قواعد البيانات هو ال backend

واللي بيعمل الحاجتين بنسميه fullstack

ودا بالظبط زي المطعم فالناس اللي بتشتغل في الصالة وبتقدم الاكل دول ال frontend dev

والناس اللي شغالة في المطبخ وبيحضرو الاكل دول ال backend dev وهما عقل الموقع

طيب ابدأ ازاي

اولا لازم تعرف المفاهيم البرمجية وتاسس عقلك علي اللي جاي وكمان تعرف هل البرمجة حاجة مناسبه ليك ولا لأ علشان ماتحرقش وقت ع الفاضي لان في رأيي البرمجة مش لكل الناس زي ما مشاهير السوشيال بيروجو فهي محتاجة شخص عنده صبر وعنده تفكير منطقي ويقدر يبحث ويحل المشاكل بنفسه

ودا مش معناه ان البرمجة صعبه وهي مش محتاجة شخص عبقري

وعلشان تتاسس في رأيي افضل كورس هو cs50 ع edx

وموجود ترجمة عربي ع يوتيوب ل عبدالرحمن جمال

ومش مهم تطلع من الكورس فاهم ١٠٠٪ لو ٤٠ ٪ في رأي كفايه ودا معناه انك هتقدر تكمل