#أكاذيبإخونجيةيجب_دحضها

1_ صباع السبابة اللي بنرفعه أثناء التشهد ليس له علاقة خاصة بالقلب ولا متصل بشريان ولاعصب مميز بالقلب ومفيش أعصاب بتتطلع من القلب والشريان اللي بيوصل للسبابة زيه زي أي شريان بوصل للأصابع الأخرى مجرد فرع صغير من قوس شرياني جاي من 2شرايين بتغذي الذراع كله

2_ التمر اللي بتاكله على الإفطار أو أي وقت آخر

لابيفرق عدد زوجي أوفردي والمعدةمابتهضمش بالواحدة ولابالعدد والمعدة مش مكان امتصاص أساساالمعدة مجرد خلاط زي خلاط الأسمنت تفرم الأكل وتعمله سائل يمشي في الأمعاء وهناك يحصل الامتصاص وكل نواتج امتصاص الكربوهيدرات في الآخر جلوكوز بالتحديد

3_ النوم على الجانب الأيمن أو الأيسر مالوش علاقة بالكبد ولاالمعدة .. لاكبد بيضغط عالمعدة لو نمت عالشمال ولاالمعدة بتضغط عالكبد لونمت على جنبك اليمين ماهياش نجفة متعلقة بسلك هي

كل عضو في الجسم ثابت في مكانة بأربطة وانسجة تخليك تتشقلب وتركب الحلزون بتاعة الملاهي وتنزل كل عضو فمكانه

4_ ختان الإناث مالوش علاقة بالدين لاسنة ولافضل ولا له أي تأصيل في الدين دي عادة اجتماعية في بلدان وادي النيل مصر والسودان المسلمين وجنوب السودان وأثيوبيا وأوغندا المسيحيين

بس هي عادة عجبتهم علشان فيها قهر للمرأة وده جاي على هواهم

وختان الذكور كمان عادة مصرية كمتية من قبل الأديان

5_ المصريين القدماء ما كانوش بيرموا بنات في النيل علشان الفيضان وعمر بن الخطاب ما بعتش جواب للنيل قاله ان كنت تجري بأمر الله فليجريك الله مفيش حد عاقل هيبعت جواب للنيل ولا لصحرا

وأكيد عمر كان عاقل دي تخاريف التراث بس عجبتهم علشان يرسخوا فكرة إن قدماء المصريين وثنيين مشركين