ثريد | عن الشعر الكيرلي وطريقة العناية فيه :

تحت هالتغريده عطوني منتجات عنايه وتجاربكم أو نصايح أو طريقة الإهتمام بالشعر الكيرلي من الشامبو أو البلسم أو الماسكات أو الزيوت و غيرها ، خلونا نفيد بعض ??‍?.

”وأنا راح أكتب لكم طريقة العناية في الشعر الكيرلي” https://t.co/Mon2NDNOQy

اول نقطة مهمة ضروري تعرفي إيش نوع شعرك شيي ضروي جداً وعشان تعرفي خذي خصله من شعرك وبلليها بمويا وخليها تجف شوفي كيف يصير شكلها ومن هنا راح تعرفي إيش نوع شعرك

(هنا صورة توضح كل انواع الشعر) https://t.co/OS9Ifj8eEF

ملخص العناية الصحيحة بالشعر الكيرلي :

1- قص أطراف الشعر بشكل دوري من 4-6 شهور

2- ماسك عميق مغذي من مرة الى مرتين بالأسبوع

3- النوم على مخدة حرير او لبس قبعة حرير

4- تنقيه الشعر مرة بالشهر بإستعمال سكراب لفروة الرأس

(تنظيف التراكمات اللي على المسامات)

5- تجنب الحرارة الزائدة للشعر

متى أقدر أمشط شعري الكيرلي ؟

فقط حالتين تسمح لك تمشطي شعرك الكيرلي :

1- وقت الشاور والشعر فيه بلسم

(عشان نفك التشابك)

2- او بعد ما تخلصي الشاور وتحطي ليف ان

(شعرك مبلول لتصفيف الشعر وتحديد لفة الكرلز)

ممكن تختاري حالة او كل الحالتين

ممنوع تمشطينه وهو جاف شعرك راح ينفش عليك كثير.

طيب كيف أخفف من نفشة الكلز بسبب الرطوبة ؟

اول شيء إستغني عن أي منتج كم مكوناته الجلسرين ماننكر فائدته يحفظ الرطوبة بالشعر لكن اذا صار الجو رطب نتجنبه لانه ينفش الشعر مررة ، نكتفي بالليف ان والجل يعني نصفف الشعر بالجل ونكثر على غير العادة عشان يحافظ على شكل الكرلز بدون نفشة مزعجة.