نصائح للستات??? من أجل حياة زوجية شبه هادئة ??

١- ناكل ايه بكرة!!؟

في اللحظة دي الدنيا بتسود قدام الراجل وبيبدأ يدخل في حالة اكتئاب وبداية تخلف عقلي.. ويبدأ يفتكر الأسئلة التعجيزية في امتحانات الشفوي..

احنا بناكل أي حاجة في أي وقت..

السؤال ده تسأليه بينك وبين نفسك?

وبصوت واطي وتعملي أي حاجة وهو هيطفح بمنتهى السعادة.

وكما قال الفيلسوف : هناك مكان محجوز في الجحيم لهؤلاء اللائي يسألن ازواجهن هناكل ايه بكرة.

٢- الحواس ٦ .. عند الراجل مابيشتغلوش مع بعض.. وأعطالهم كتير.. ومعظمنا شغال باتنين منهم بس.. حاسة التذوق وحاسة اللمس..

أما بقى انك?

غيرتي نوع البيرفيوم أو غيرتي قصة شعرك.. فكل دي شكليات.

انك نضفتي الشقة أو غيرتي مكان الأنتريه أو مكان السجادة..

هو مش عارف ولا فاكر أماكن الحاجات دي أصلا!!..

لو غيرتي مكان التلاجة هياخد باله.

٣- لما تلاقيه قاعد سرحان.. مش لازم يبقى بيفكر في واحدة تانية!.. احنا بنسرح في?

اللاشئ.. بنتحد مع الفراغ السرمدي اللامتناهي.. بنفسي دماغنا.

٤- كلنا بلا استثناء عندنا زهايمر..

يعني لو عايزة طلبات فمش كفاية تقوليله هات كذا وانت جاي.. لا..

لازم تبعتيله رسالة على كل برامج التواصل علشان يفتكر.. وتبعتيله تاني وهو راجع من الشغل..

ولو تقدري بنظارة مكبرة أو?

بندقية قناصة تحددي الوقت اللي هيعدي فيه جنب السوبر ماركت وتقتليه قصدي وتكلميه يبقى زي الفل.

٥- لما تحبيه يغيرلك لمبة أو يتصل بالسباك.. مش لازم كل اسبوع تقعدي تزني عليه.. في التأني السلامة والصبر مفتاح الفرج.

٦- الكسل دي صفة وراثية سائدة في الصنف كله.. مش بإيدينا والله.

?