سمعت رد أ. ابراهيم عبد الجواد على كلام كابتن سيد عبد الحفيظ ومحتاج أعقب على كام حاجة

• أول نقطة وأهم نقطة وهي يمكن بتمثل نص مشكلة الأستاذ إبراهيم دايما لما قال " أنا بلوم ع اللي منتظر منه التصرف الأفضل " .. دي دايما نص مشكلة الأستاذ إبراهيم .. أنه بيعاقب المحترم على احترامه ..

أنا دايما هلوم عليك وهغلطك عشان أنا منتظر منك انك محترم .. في المقابل قليل الأدب أو اللي مش محترم دايما خارج مجال رؤيتك لانك مش منتظر منه حاجة .. فأنت دايما بتعاقب المحترم أنه من سوء حظه أن طلع رأيك فيه أنه محترم فموراكش غيره !!

• ثانيا قال قاعدته انه دايما ضد أي تجاوز ضد أي حد

وده شيء عظيم وانا مصدقه الصراحة .. بس السؤال : هو ليه انت ضد أي تجاوز مراااات بالنية بس .. ولما تيجي عند بعض الأشخاص بتبقى بالقول ؟!

• ثالثا برر أنه ليه ميتكلمش عن أي حاجة تانية غير كابتن سيد بأنه ميتكلمش غير عن الممر فقط .. دي مشكلة دائمة برضه ..

هو حضرتك ليه بتقطتع دايما لقطة تعقب عليه .. هي اللقطة دي مش جزء من شريط طويل حضرتك تجاهلت باقيه ؟.. انت كده هتبقى دايما سلاح ف ايد غير المحترم ع حساب المحترم يا استاذ ابراهيم

• رابعا أنا اقتنعت بيها بصراحة لما قولت أن التزام المسؤول بيدي رسالة للجمهور بالروح الرياضية الحلوة

وفهمت منها انك مش شايف مسؤول في مصر غير شخص سيد عبد الحفيظ وبعض الأهداف السهلة في اتحاد الكورة

• خامسا حضرتك بتقول انك مبتعلقش على مشاكل التراشق .. ومبتدورش ومش دورك .. طيب دورك انك حتى لما يظهر تجاوزات في مجلة الزمالك زي المرة الأولى والعدد الأخير اللي بيتهم 3 أندية مصرية