هو ميسي متخاذل فعلًا؟

• السؤال ده أكتر سؤال إتسألته في الفترة الأخيرة، ده الوقت المناسب للرد عليه بعد هزيمة باريس القاسية وفي أضعف مواسم ميسي على الإطلاق، فحضَّر قهوتك وتعالى إقرأ لأن الموضوع كبير شوية.

ثريد عن أفضل اللاعبين على الإطلاق. https://t.co/1B4cFXGzt5

بعد بيب جوارديولا، في حقبة حقق فيها ميسي كل شيء، بل حقق فيها الأكبر من مجرد 'كل شيء'، تيتو فيلانوفا درب برشلونة في 2013، ميسي وقتها ساهم بـ76 هدف كأكتر لاعب في العالم ساهم في أهداف، بنسبة 62% من أهداف برشلونة في الموسم ده، وبرشلونة حقق الدوري. https://t.co/PPYNlAggnf

مع فيلانوفا كانت بداية الإنهيار الطبيعي اللي بتحصل لأي فريق كان له حقبة ذهبية، درب برشلونة بعد فيلانوفا، جيراردو مارتينو، في موسم 2014 السيء لبرشلونة، ميسي ساهم بـ65 هدف كتاني أكتر لاعب في العالم ساهم في أهداف بعد رونالدو، لكنهم كانوا غير كافيين ضد سطو أتليتكو في الموسم ده. https://t.co/GGPqSHYPAr

بعد مارتينو، لويس إنريكي درب الفريق، كان فيه إنييستا وتشافي في آخر أيامهم وراكيتيتش وبوسكيتس، مع دفاع ضعيف، لكن كان فيه MSN، ميسي ونيمار وسواريز، الثلاثي التاريخي اللي مشوفتش أقوى منه في حياتي. https://t.co/RSz5UmjzdA

في مواسم 2015، 2016، 2017، قدر ميسي فيهم يكون كالعادة أكتر لاعب ساهم في أهداف في العالم، 88، 81، 76، على الترتيب، وفي ظل وجود نيمار وسواريز، ميسي شارك في أهداف برشلونة كلها في الـ3 مواسم بنسبة 55%، 59%، 54%، على الترتيب. https://t.co/jSOkIJsBOv