لما تخليها تختار الصمت في عز زحمه الكلام اللي جواها ..تبقى مش سندها

لما تنام ودموعها في عينها عشان عارفه ان لاحول لها ولا قوه ..تبقى مش سندها

لما تبطل تحكيلك عن تفاصيل حياتها ..تبقى مش سندها

لما تلمح نظره استسلام للحزن في عينها انت سببها ..تبقى مش سندها .. https://t.co/yXpGmv56fC

لما تستخسر كلمه اهتمام منك ليها ..تبقى مش سندها

لما تضحك على احساسها مهما كان ..تبقى مش سندها

لما تحبطها في اي حاجه تعملها ..تبقى مش سندها

لما تبقى عارف انها متغيره وتطنش ..تبقى مش سندها

لما تبقى جوا البيت مجرد ضيف مش عايز ازعاج في وجودك ..تبقى مش سندها

لما تنتقدها اكتر ما بتمدحها ..تبقى مش سندها

لما كلامك الجارح يسبق طبطبتك عليها ..تبقى مش سندها

أصل السند مش مجرد فلوس ..

ولامصاريف أكل وشرب ... ولا حتى مصروف يتأخد بتكشيره وش

قبل ما تحسسها انها عبء عليك

وقبل ما تشيلها في بطاقتك العائليه ..شيلها في عنيك ..

المسئوليه مش مجرد فلوس وعيشه والسلام ..✋

نظره الرضا في عينها وشعور الامان اقيم بكتيييييير اوي

لو كل واحد دور جواه هيلاقي نفسه مديوووون اوي ..✋