طيب،
بما ان الكهرباء قاطعة (والموضوع كمان)، ما نتونس في النص المليان شوية. الدايرين يبدأوا بزنس دا وقت مناسب ليهم. بالذات في مجال المستهلكات (الاكل، الترفيه، التجميل، والعناية بالجسم والبيت). اي فكرة جديدة (او قديمة) في المجال الواسع دا ناجحة قبل تبدأ، لو تم التخطيط ليها
??
رأس المال ما اشكال. المهم المشكلة البيحلها المنتج، وهي اربع انواع:
Convenience
Confidence
Self recognition
Entertainment
وما بيفرق ياتو قيمة من القيم دي بيقدمها ياتو منتج، يعني ممكن اكل يقدم قيمة ال entertainment، وللا ميك اب يقدم ال Convenience
??
يللا ليه رأس المال ما اشكال، لان معظم منتجات الاستهلاك بيصاحب سلوك الزبون فيها نوع من الولاء للمنتج او البراند (المنتِج)، ودا بيدينا براح زمن نبني السوق والولاء والبراند براحتنا، اثناء ما ب نكبر قاعدة جمهورنا. الكلام دا ماش كويس؟
??
يللا اي زول او زولة عندهم فكرة يبدأ مشروع بيسد ثغرة استهلاكية، وبيستوعب القيم اعلاه، دا الوقت المناسب انه يبدأوا في العمل الجاد هسه.
لييييييه؟
الحمد لله السألتوني، اوريكم. الظروف النفسية الماري بيها المجتمع في السودان (وفي غيره) خالقة حوجة في الاربعة بتاعات الفوق دي كالآتي:
??
ال Convenience مطلوب، ومحبوب، مع الغلاء، وصعوبة الحركة، والكهرباء القاطعة وكل الحاجات المعشكبة الفي البلد دي. حوجة المستهلك ماسة لكل ما هو Convenient، يعني بيسهل لينا جزء ولو بسيط من حياتنا، اكل على الماشي، مكياج ما بروح، ترفيه ما داير قروش (انتو قايلين تيك توك دا شنو؟)
??
