افكار مبعثرة - الحب

قبل فترة ليست بالبعيدة كتبت بوستين عن فلسفة الموت و الحزن، فالمرة دي الواحد حاول يقلب الموجة للايجابية، لكن قبل ما أبدأ اكتب في الحتة الرقيقة دي فكرت، واترددت.. لأني أظن انه ما انا الشخص المؤهل للحديث في مجال مصنف نفسي فيهو فاشل الا قليلاً.. (١) https://t.co/xrsG6TxZAu

بس الشجعني إلى إنه بنتي الصغيرة ليان (ذات الاربعة أعوام) تقول لي كل يوم بحبك (بالإنجليزي) I love you وتطلب حضن او زي ما بتقول Huggy ودي تقريباً أوراد الصباح و المساء عندها.. الواحد بيحس براحة نوعاً ويردد في سره انه أهو ما فاشل شديد.. (٢)

ليان بتفهم عربي و تتكلم انجليزي، ودة بيوضح كيف إنه تأثير علاقات الاطفال وتفاعلهم مع بعض في الروضة او المدرسة ممكن يلعب دور كبير في اللغة عند الطفل. المهم، ليان دي بعد ريدتها الشديدة دي، لما بتقلب بتكون صعبة.. جملتها المفضلة لما اقفل منها التلفزيون هي (انا بكرهك، انت زول لئيم) (٣)

او كما بترددها I hate you, you are mean كلامها دة في ذاته فلسفة عميقة ?.. تقابلنا قدام..

واحد قريبي مرة لاقيته زعلان وعاوز يطرشق لأنه الشخص قال ليهو (انت شاعر؟).. فإستغربت عن انه المشكلة شنو لو قال ليهو كدة!.. (٤)

وفي بالي انه قال قصيدة و الشخص الثاني كان بيضحك فيهو بمعنى انت فاكر نفسك شاعر؟.. بعدها قام شرح لي انه كلمة شاعر دي في القاموس المتعارف عليه وسط الشباب يعني (وهمي، طيرة، ساذج وكدة).. (٥)