الواحد بيحب يمد الخط على استقامته وان ده الشىء اللى اغلب الناس متحبش ولا تفكر تعمله عشان متشوفش السؤال الجوهرى
وماذا بعد؟
تعال نتصور ونتخيل ان المقاطعه اياها نجحت نجاح رهيب ،و ان شركات الفرانشايز مثلا خسرت خسائر فادحه و فلست ، وان الشركات دى قفلت ( مفيش نجاح بعد كده يعنى!! )?
هه و بعدين ؟!!هقولك ايه السيناريوهات المحتمه
لو شركه اجنبيه فعلا ، هتقول لا ياعم ،دى بلد فيها عداء للاجانب يبقى نلم حاجتنا ، ونبيع الاصول اللى عندنا ونحولها دولارات ونتوكل على الله نروح نستثمر فى اى مكان تانى المغرب جنوب افريقيا رواندا حتى ،او ممكن نروح الخليج برضه فلوس حلوه?٢
وسهله مفيش مانع !
ساعتها هيبيع المحلات و الاراضى و المبانى ، و ياخد ( دولاراته ) ويمشى ، وده طبعا يعنى ارتفاع الطلب على الدولار ، وزيادة ( خروجه من السوق المصرى ) وبالتالى ارتفاع سعره !! وانت مش محتاج اكلمك عن الموضوع ده واثاره عليك !!
اللى بيشترى ، غالبا هيبقى مصرى?٣
ولو فيه فلوس يعنى ، لان الاجنبى هيبقى خايف ، حتى العربى هيبقى خايف ، لان زى منت شايف المقاطعه اللى بيقودها الاخوان بقت تقول ، بلاش كارفور اصله اماراتى ، خلو بالكم من ابوعوف اصل شركه اماراتيه اشترت فيه ، بلاش المراعى اصله سعودى ، الى اخر الحقاره الاخوانيه المعروفه?٤
واللى عادة شعبنا بيحب يزيط فيها لاسباب لا داعى لتكرارها ، انما هى على هوى الكثيرين!!
المهم يعنى ، اللى بيشترى ده هيعمل حاجه من اتنين ، اما يمارس نفس النشاط (ساعتها هنبقى كسبانين نسبيا فى المستقبل ) ، او يمارس نشاط تانى ، ومن اشهر الانشطه التانيه عندنا كمصريين هو ( التسقيع)?٥
