صباح الخير https://t.co/QcQ8dPc0C2
المسخره بالصوره اعلاه ، من قناة السويس بالامس
بس علشان نوضح حجم المسخره دى , لازم اقول شوية نقط الأول ...
القناه دى مش بوابة طريق عليها واحد واقف يلم كارته واللى يدفع يعدى , دى منظومة اداره معقده ولها توقيتات ونظام , وكل سفينه لها خط سير ومواعيد , ومعاها مرشد من القناه وموال
اى سفينه عموما , بيكون جزء منها فوق المياه والباقى غاطس , ولما السفينه تكون محمله بيكون اغلب جسمها فعليا تحت المياه والظاهر فوق دا القطاع الأصغر ... بنتكلم عن قياسات كبيره بحجم مبانى عملاقه مش مترين تلاته
بالتالى , اى مجرى مائى السفينه هاتمر فيه لازم يكون عمقه أكبر بنسبه معقوله عن اعمق غاطس لأكبر سفينه ممكن تمر فيه وهى بأقصى حمولتها...
قناة السويس ارضيتها مش مسطحه , وانما بشكل حرف V بمعنى ان العمق بيكون اقل ما يمكن عند الضفتين ويزيد ويوصل اقصاه فى المنتصف
