ضرغام الزوكا 6/1

ضرغام الزوكا بتاع الجاز كان بياع جاز ايام الملك فؤاد الاول

وكان بيعدي شمال و يمين علي البيوت ينادي جااااز. مرة وهو معدي في حارة نعمات الكلوباتية العالمه سمع البت فتنة و هي بترقع ضحكة للجو فهرش ان معاها عسكري انجليزي.

ضرغام الزوكا 6/2

استعبط وخبط عليها يسألها إن عايزة جاز لزوم الحموم,

طلعتله فوتنة و دراعها مش قادرة ترفعه من الغوايش الدهب وفضل الموضوع معلق في دماغه وراحلها تاني يوم

قالها من اين لكي هذ؟... قالتله "من سي چوني بيجي يقعد اعمله لقمة حلوة ادلعه اطبطب عليه وبيديني فلوس وبيجيبلي دهب"

ضرغام الزوكا 6/3

راح الزوكا لمراته وحكي لها وقالها "ياسيدة انتي من بكرة تعملي زي فوتنة,الراجل يجي ياكل ويضحك ويمشي وانا اللي هاجيبهوملك"

الدنيا مشيت والزوكا بيقعد برا لحد چوني ما يخلص

راح اتجوز واحدة تانية احلي واصغر وبعدها قال يوسع النشاط اتجوز هيلين بنت شحاتة تاجر المانيفتورة

ضرغام الزوكا 6/4

وبعدها عجبته ارملة شعرها اسود حرير زي الليل ورجليها حلوة ووشها مدور إتجوزها وقالها هربي عيالك بس هتساعديني بلقمة و ضحكتين لچوني.بعد شوية فوتنة اتخانقت مع الكلوباتية لأن الكلوباتية كانت عالمة ورقاصة بس شريفة متحبش عساكر الاحتلال وكانت شايفة ان فوتنة منجسة الحارة

ضرغام الزوكا 6/5

راحت فوتنة معلية صوتها وقالتلها "طب ما انتي بتتعاملي مع الزوكا اللي بقا صاحب مستودع الجاز ومخلي نسوانه الاربعة تجالس وتآنس".راحت الكلوباتية واخده معاها 3 فتوات وراحت علي مستودع الزوكا فضحته وجرسته والحارة حدفتهم بالطوب وزفته هو و نسوانه الاربعة وطردوهم برا الحارة