صباح الخير على دماغكو ❤️

اشربوا قهوتكم وافطروا وتعالوا الthread دا فيه اغرب استراتيچية ممكن تشوفها في مواجهة #كورونا واللي بتتخذها الحكومة البريطانية دلوقتي وطبعا #بريطانيا معروف مستواها الطبي الرائد على مستوى العالم فخلينا نشوف :

من يومين طلع رئيس وزراء بريطانيا وقال ان #كورونا بقى وباء عالمي والوضع صعب السيطرة عليه واحنا مش عارفين عدد الحالات المصابة بالظبط كام وانه هيفضل ينتشر ولسة ناس هتموت بسببه فقررنا الآتي:

أي حد عنده الاعراض يعمل self-isolation ويقعد في بيتهم وميروحش مستشفيات ويتجنب اي كونتاكت مع اي حد وال NHS website عليه اي داتا هيحتاجها وفي خط طواريء ممكن تكلموه بس ياريت تقروا عالنت الاول قبل ما تتصلوا واللي يتصل يبقى فعلا محتاج

ودا عشان منضغطش فجأة عالfacilities بتاعتنا فتنهار

وان الأولوية عندنا للي فوق ال٧٠ وعندهم امراض خطيرة ممكن تؤدي للوفاة

لحد هنا الكلام لطيف ومنطقي فعلا بس بعدها قال ما أثار الجدل شوية:

لقينا اننا لو عملنا حجر صحي عام فاحنا مجرد بنؤجل حدوث الكارثة مش اكتر لكن مش بنواجهها واحنا اورريدي من يناير عملنا دراسات في الموضوع

وخبرائنا نصحونا بإن منع التجمعات زي الاحداث الرياضية والمسارح دا هيؤثر على الدولة والحياة اكتر ما هيفيدها وان له تأثير بسيط على انتشار الڤيروس لأنه كدة كدة هينتشر فقررنا ان الحياة تستمر بصورة طبيعية مع اخذ الاحتياطات السابقة

ودا هدفه ان الدولة متقعش وال health facilities متتأثرش