البواخر التجارية فتحت من ميناء سواكن إلى جدة.
سعر التذكرة يوم الاربعاء بتاريخ 26/4 كانت ب 120,000 ( ممكن تزيد في أي لحظة). بتقدروا تحجزوا عن طريق وكالة قرطاج وفي فرع جنب الميناء طوالي.
يتبع... ⬇️
? تحذير:
- تأكدوا انو فعلا في باخرة قادمة أو واقفة في الميناء ودا عن طريق اي شخص شغال في الميناء او البحرية
- تتأكدوا قبل ما تتحركوا على سواكن انو اجراءات المسافرين بدأت لان مافي مكان انتظار قدام الميناء والفنادق تعتبر نوعا ما بعيدة من المكان.
- الطريق من بورتسودان لسواكن ساعة تقريبا. بتركبوا من موقف الأمجاد بجانب نادي الهلال وبتتحركوا بتاكسي سعر المشوار للشخص 2500 بوصلكم لحدي الميناء ( السعر ممكن يزيد في أي لحظة )
- بالنسبة للاجراءات جوا الباخرة لازم يكون معاكم كاش سوداني او سعودي او دولار بقبلوا كل العملات وما بيشتغلوا ببنكك.
- كل ما وصلتوا للباخرة بدري كل ما زادت فرص تلقوا غرف بدل تقعدوا في الكراسي. الباخرة فيها غرف مكيفة ومقاعد. فيها كافتيريا وفيها مطعم.
- بفكوا ليكم العملات عشان لمن تصلوا جدة حتحتاجوا للريالات.
- بسألوا من كرت حمه صفراء. اذا ما متوفر ما بتعيق الإجراء.
كاونتر صعود الباخرة بستلموا منكم الجوازات سواء جواز واحد او اتنين وبرجعوها قبل الوصول بساعتين او تلاتة لازم تستلموها من رسبشن الباخرة.
