??????

هل وصلت لك هذي الرسالة تحذرك من مخالفات مرورية يجب عليك دفعها؟

ويحط لك رابط لوزارة الداخلية فيه moi و gov و kw, وظنيت انه حقيقي؟

طبعا الرابط نصب واحتياط متقن، خلونا نشوف تفاصيله بسلسلة تغريدات ?? https://t.co/7dDvLz4ehZ

أول ما تدخل عليه تجد الرابط شغال وشكله مرتب ونسخة طبق الأصل من موقع الداخلية المرور و فيه بالرابط علامة القفل ?، و خبراء الأمن السيبراني المزيفين دائماً يقولون لك لازم علامة القفل مع ان بالصج مالها اي معنى بالحقيقة ويقدر اي نصاب يحطها بموقعه.

شيصير إذا ضغطت على دفع المخالفات؟ https://t.co/Hk9AIC2yAv

راح يوديك على صفحة تحط فيها الرقم المدني وإذا حطيت رقم غلط راح يصيدك ويقول لك حط رقم صحيح،هني ممكن انك تصدق انه رابط حقيقي، وإلا شلون عرف انه رقم غير صحيح؟

الحقيقة ان الأرقام المدنية تتبع معادلة Lun number للتحقق من الأرقام لكن مو كل رقم تنطبق عليه المعادلة معناته رقم مدني رسمي. https://t.co/GTME79Tfvx

لذلك مع شوية تجارب تقدر تطلع رقم يمشي على المعادلة مع كونه رقم مدني خاطئ بالكامل، وجذي تتجاوز التحقق البسيط مال الموقع النصاب هذا.

بعدين يعطيك مخالفة وهمية ويقولك ادفع او تزيد عليك.

طبعا وايد ناس ممكن يمشي عليهم. بعدين شيصير؟ https://t.co/CXcGUj68Yn

بعدين تطلع لك صفحة KNET مرتبة كأنها الحقيقية. الرابط لو تشوفه تحت تلقاه غير صحيح لكن ما عدا هذا كل شي تمام. فيه التحذير اللي أعلى شي عن النصب ? بعدين تختار بنكك وتحط رقم البطاقة (ما يتحقق منها) ثم بعدين يطلع الرقم اللي ورا البطاقة وهذي غلطته لان knet يطلب الرقم السري مو cvv. https://t.co/AoyJZUYuzt