عارفين سورة الناس نزلت ليه ؟! ✨??
لطفاَ تابعوو ✨
كان في غلام من اليهود بخدم الرسول صلى الله عليه و سلم ، قامو اليهود جو و طلبو منو بقايا شعر رسول الله الكانت في المشط حقو وعدد من اسنان المشط وابو يسيبوهو لحد ما اداهم الحاجة العايزنها دي
بعدين قامو استعملو شعر سيدنا رسول الله صلى الله عليه و سلم و عملو ليهو سحر والزول الكان ماسك الموضوع ده يهودي اسمو "لبيد بن الأعصم
اللي هو نفسو دساها في بئر موية تابع لبني زريق و البئر دي كان اسمها "ذروان"بعدها رسول الله صلى الله عليه و سلم مرض وشعر راسو بدا ينزل
وبقى علي الحال دا لمدة ستة شهور وفي يوم جوه ملكين و هو نايم ، فواحد منهم قعد جنب راسو عليه الصلاة و السلام و التاني قعد جنب رجلينه فالملك العند راسه
قال : "ما بال الرجل؟!
قال: طب (أي سحر)
قال : و من سحره؟
قال : لبيد بن الأعصم اليهودي
قال : و بم سحره؟
قال : بمشط و مشاطة
قال : و أين هو ؟
قال : في قشر الطلع (الجف) تحت حجر أسفل البئر
فالرسول صلى الله عليه و سلم انتبه لكلامهم و رسل سيدنا علي بن أبي طالب و الزبير و عمار بن ياسر رضي الله عنهم عشان يطلعو الموية من البير و اتوصف (كأنه نقاعة حناء)
بعدين رفعوا الصخرة وطلعوا الجف ولقوا فيه مشاطة من رأسه
