من تبعات هجوم #SolarWinds الروسي المنشأ واللي تسبب لأضرار كبيرة في البنية التحتية الأمريكية وبعيدا عن اختراق جهات حكومية أمريكية وشركات تقنية كبيرة، شركة MalwareBytes المتخصصة في الأمن السيبراني وأمن المعلومات كمان تم اختراقها والمهاجمين قدروا يوصلوا لخوادم البريدالإلكتروني #يتبع

المدير التنفيذي للشركة Marcin Kleczynski نفي أنه يكون الاختراق الخاص بيهم سببه SolarWinds وقال انهم مش بيسخدموا اي من منتجاتهم بس قال احنا متأكدين بعد التحقيق اللي عملناه إن اللي اخترقونا هي نفس المجموعة اللي اخترقت شركتي الأمن السيبراني FireEye و Crowdstrike قبلنا. #يتبع

طبعا الهجوم علي قد ما يبان للبعض انه صغير ومحصلش حاجه وحدوته وهتتلم، ادينا لينا الشهر التاني ولسه في تطورات بتحصل بسببه وشركات لسه بتعلن انها تم اختراقها ولحد من ايام بسيطه اكتشفوا أن في malwares تانيه متورطه في الاختراق بعد Solar Brust وغيرها #يتبع

ودا بيبينلنا قد ايه أن كل شئ بيكون كويس ولطيف وانك تبان انك مأمن نفسك كويس لحد ما هوب تنضرب الضربه اللي بتقسم الوسط زي دي. #يتبع

وخليني احرف مقولة انواع الشركات، واللي بحسب اللي بنشوفه دا ٣ انواع، النوع الاول شركات تم اختراقها بالفعل والتاني شركات مخترقه ولم تعرف بعد والتالت شركات تنتظر الاختراق.

دا مصدر للي بيحبوا المصادر: https://t.co/ese1BM5qoI