حتى وأنت بإجازة يبيك تتعلم. ايه الدنيا مب سبهلله. هاف فن نعم بس عاد لا تزيط، لابد تتعلم شي جديد، تصير متيقظ، طموح، شعلة، ذيبان، لاسع، مجنون، مليء بالشغف.
قال أبورائد: لأن المردود المادي وحده لا يكفي، ولأن ثناء المدير لا يغني عن فقداننا لدفء الحياة الاجتماعية، صنعنا لأنفسنا وسائل للاحتفاء بالنجاحات العملية وتضخيمها.
حط لنكدان، حط بودكاست، سولف لي دردش لي لا يضيق صدرك. هل تشعر بالوحدة؟ هل تفتقد عناق أفراد العائلة؟ لدينا الحل
تعال سولف لنا أكثر عن شغلك. وش سويتوا. أما رحت ماليزيا عشان تاخذ الدورة؟
وحش، لاسع، مفلسع، ذيبان، مجنون.
في نفس الوقت، ولد عمك في مجلس بعيد هناك بالقرية، قاعد مع العمام، يقول ضاعت العنز ولقيتها ناشبه فوق السطح، حايلتها حايلتها حايلتها لين صارت بيدي ونزلتها.
كفو، ذيبان، رجل، ونعم
هو انمدح وأنت انمدحت. بالأخير ودنا بالمدح ترى. نحتاج الناس.
