عشان الناس تستفيد الثريد دا عن كيف تكشف على الحليب منزليًا بسبب تويته أضافه الفورمالين للحليب؛ كنت مفتكره الناس عارفين لكن طلع ناس كتار ما عندها خبر انو الحليب في السودان التجاري التجار الجشعين بضيفو ليه ماده( مسرطنة ) الفورمالدهايت وتستخدم في حفظ الجثث وعينات الأنسجة لمده طويله؛

طيب اول حاجه الحليب عنده شكل وطعم وقوام وريحه نموذجيه ويحتوي على دهون اي تغيير في الحاجات دي بدل على خطب في الموضوع؛ تكتشف الفورمالين منزليا انو تشيل منه جزء وتخليه برا لساعات في درجه حراره الغرفه او تخليه برا الليل كلو وتجي الصباح تحاول تفوره لو فار وما اتقطع او اتجبن معناتا

مضاف ليه مواد كيميائيه غالبا فورمالين او في طريقه انك تعمل منو زبادي والفيه فورمالين ما ببقى زبادي جيد او طريقه ثالثه معمليا وهي تجيب tube او أنبوب معملي وتخت فيه ٥ كل حامض الكبريتيك المركز على حافه الأنبوب ببطئ إذا تكونت حلقه بنفسجيه إذن الحليب مضاف اليه فورمالين لو أتكون لون

بني دليل انو سليم في الأخير اي حليب قوامه غير طبيعي هو بالتأكيد مضاف ليه حاجه وبالذات إذا لم تتكون قشده او جماده بكميه مناسبه عند ادخاله للثلاجه والأهم من دا كلو انو الدوله توفر الرقابه على كل مستهلكات المواطن

٥ملم*