حتى الإنتخابات مش هتصلح الوضع السيء في برشلونة بسرعة ، الفريق قدامه مشوار طويل لإعادة بناء فريق محترم ، عشان تبني جيل محترم محتاج لك على الأقل 3 سنوات

إدارة برشلونة وضعت النادي في مأزق شديد

من قبل الكورونا عندهم أزمة مالية ، جات الكورونا و زادت الوضع سوء بشكل كبير

و بجانب الأزمة المالية ، سيناريو موسم صفري و هزائم مؤخراً زي ليفربول و بايرن زادت الضغط بشكل كبير عليهم

و بنفس الوقت ، فشلت ادارة بارتوميو في التجهيز لمرحلة ما بعد ميسي و للمستقبل عشان تتم المرحلة الانتقالية بهدوء نوعاً ما

و النتيجة ، كل العمود الفقري للفريق هيخرج دفعة واحدة!

برشلونة خلال السنتين القادمتين محتاج فريق كامل تقريباً ، على الأقل 6-7 لاعبين سوبر لتعويض الجيل السوبر اللي طالع ، طيب ده ازاي في وجود أزمة مالية كبيرة عندهم؟ صراحة مش عارف.

حتى التخطيط للشباب عشوائي عندهم و بدون هدف

صفقتين بس عملتهم الادارة هتفيدهم : لونجليه ، دي يونج.

في المقابل على موعد مع خروج :

ميسي

سواريز

بيكيه

بوسكيتس

فيدال

راكيتيتش

خوردي ألبا

ببساطة النادي مفيهوش غير شتيجن ، لونجليه ، دي يونج ، جريزمان .. اللي يستحقوا تبني معاهم جيل محترم السنين الجاية.

و الشباب مش مضمون نجاحهم في بيئة برشلونة حالياً

وضعهم كارثي

إدارة الريال بدأت من بدري التفكير في مرحلة ما بعد كريستيانو ، كل مرحلة زي دي ليها خسائر ، لكن الأهم إنك تحاول تقلل الخسائر قدر الإمكان و تحقق بطولات بالتوازي مع المرحلة الانتقالية

الريال في موسمين حالياً قاعد يبني بهدوء ، حقق 3 بطولات ، عنده قاعدة شباب ضخمة للحاضر و المستقبل