استمتع وانت بتقرأ
مش عارف اجيبهالك ازاي ..
بس الفلسطينيين ضربو أحد بطاريات الدفاع الأرضي المكونة لمنظومة منصات القبة الحديدية .. الأقوى عالميا!
مبقاش مجرد اختراق حضرتك .. أنت بتتكلم إنك بتستهدف المنصة نفسها وقادر إنك تصيبها! .. صاروخ .. درونز .. أنت الآن في الجو!
اللي دارس مقذوفات في ميكانيكا أو تصميم منتجات ميكانيكية يقولك إن عشان تصيب هدف حتى لو ثابت لازم تكون عارف مكانه واحداثياته وسرعة الهواء ودرجة الحرارة والمؤثرات المختلفة .. كالضغط الجوي ومسافة الرحلة والتسارع المتدرج من مخزون مادة الإطلاق وتذبذب السرعة للمقذوف ونوع مادة الاشتعال
والمواد المالئة والوزن والايرودايناميك للمقذوف و و و، مادة بتدرس في سنتين.
وإن عشان تخترق منظومة دفاعية في شيء يسمى بالمشتتات أو الأهداف الوهمية بيتم إطلاقها عشان تشتت الدفاعات وبيكون في إحداثيات لكل قذيفة وهمية مهمتها إنها تنهك المضادات الارضية وتشتتها
واستنزاف مخزونها لتعزيز فرصة وصول القذيفة الأم للهدف .. اللي حصل أن كون صواريخ تخترق القبة فأنت تعلم حرفيا عدد المقذوفات اللازم لتخطي كميات الإطلاق في الثانية وكمية مخزون البطارية عشان توصل للهدف .. فما بالك لو الهدف المنصة نفسها!
نقطة ومن اول السطر.
وبجزء شبه عملي ولو قاعد مع حد من حرب أكتوبر على المضادات الأرضية يقولك إن المصريين رغم تهالك سلاح السوفيت كانو بيقدروا يميزوا المشتتات دي manually مع الطيران!!
