برشلونة منذ رحيل نيمار عايش ضد المنطق، ميسي وشتيجن وتساهيل ربنا، مرة سواريز كويس، شوية البا رابط مع ميسي، شوية تفاصيل صغيرة تخلص بعض الماتشات، متخلصش بطولات، ولو ميسي وشتيجن بالذات احدهما اوكلاهما مش في يومه مفيش فريق، ال٢ ليجا فالفيردي يسأل عندهم مدريد اكتر ما يحسبوا لبرشلونة ١

الفكرة انك مش زي توتنهام والاتليتي والفرق اللي بتاخد خطوتين للخلف عشان ملعب جديد ثم هتاخد خطوات للامام في المستقبل لأ، انت استهلكت مبالغ جبارة في لاعيبة اما اقل من المستوى او في المستوى لكن مش هما دول احتياجاتك ٢

حتى دي يونج ضيعت من عمره نص موسم مع مدرب لا يفهم دي يونج ده بيعمل ايه ولا برشلونة ده قايم على ايه، راجل قال بنفسه مش انا المختص بالانتدابات اسألوا الادارة، وانا هنا لاول مرة اتفق مع فالفيردي، مفيش حد يُسأل غير الادارة اللي لا عارفة تدير فريق ولا بتجنب الفريق مشاكل الاعلام ٣

فلورنتينو بيريز اخد قرار بخروج رونالدو، تقدر تشوفه قرار صح او قرار هيجني ثماره في المستقبل او قرار غلط او حتى اسوا قرار في تاريخ مدريد لكن متقدرش ابدا تنكر انه قرار قوي، في برشلونة الناس اللي لا عارفين يديروا الفريق ولا يجنبوه مشاكل الاعلام سايبين الدفة في ايد اوضة اللبس ٤

برشلونة يا هيسير في طريق مظلم يا هيحصل شئ خارج التوقعات معرفش ممكن يكون ايه، بس احنا شوفنا النهاردة ميسي سئ وشوفنا اثر ده على الفريق فمش عارف لما نشوف ميسي مش موجود هيتبقى ايه نشوفه