نستكمل الـ Scalability Capsules و هنتكلم بشكل مختصر عن الـ Load Balancer و ازاي نقدر نخدم اي عدد من الترافيك او الطلبات (requests) علي الابلكيشن ونستحمل اي ترافيك اي وقت

#scalability_capsule https://t.co/OiaJqHUgRo

١ - تخيل كدا انك عملت موقع و في خلال اول شهر الموقع كان شغال تمام و عليه ١٠٠ زيارة في الدقيقة. وبعد شهرين الزيارات بدأت تزيد ل ٣٠٠ في الدقيقة و العميل اتصل بيك و قالك الموقع بقى بطئ شويه ف انت قررت تزود حجم وامكانيات السيرفر شويه و حليت المشكله.

٢ - بعدها حصل تريند و الزيارات زادت ل ٧٠٠ في الدقيقة و العميل اتصل بيك و بيقولك مره الموقع يشتغل معايا و مره تاني يقولي 502 Bad Gateway و مش بيشتغل. وانك تزود السيرفر مش مقبول لأنك يا اما هتدفع سعر غالي جدا يا اما انت وصلت لأعلى سيرفر في شركة الاستضافة (Hosting) زي Digital Ocean

٣ -انك تزود امكانيات السيرفر مقبول في بعض الحالات والطريقه دي اسمها Vertical Scaling ودي مثلا ممكن تستخدمها مع سيرفر قاعدة بيانات انت عارف ان الترافيك متوسط ولكنه يحتاج مساحة تخزينية كبيرة و معالج أسرع علشان يقدر يخدم البيانات في وقت مظبوط. وفيه امثله تانية ممكن تبحث عنها. https://t.co/gvAh48RRey

٤ - طيب ليه لما ازود امكانيات السيرفر ممكن يظهر errors في بعض الاحيان؟ السبب ان فيه عوامل كتير لكن سيرفر بحجم كبير و عليه ترافيك كتير طريقه معالجه الprocessor و الthreads لطلبات كتيره في نفس الوقت هيحصل تاخير في بعض الطلبات لان فيه طلبات تاني بيتم خدمتها