هنتكلم عن فضيحة وسقطة للفيسبوك
هحاول اقولها ببساطة علشان مندخلش في تفاصيل تقنية معقدة
تابع #الثريد ده علي مدار الساعة وهتعرف ايه الموضوع
الفيسبوك كانت طلبت تعاقد مع شركة اسمها NSO معروفة بتطويرها لبرامج تجسس وطلبت منهم انها تشتري برنامج Pegasus
علشان تتجسس علي المستخدمين.
?
مين الNSO دي شركة اسرائيلية متخصصة في عمليات المراقبة وانتاج برمجيات تجسس
الموضوع مش سري بالعكس الشركة بتفتخر انها انتجت واحد من افضل برمجيات التجسس في العالم وهو Pegasus اللي بيقدر يخترق عدد من الموبيلات اللي عليها نظام تشغيل IOS زي IPhone و IPad وكمان بيقدر يخترق الاندرويد
?
NSO تم تأسيسها في 2010 كشركة خاصة مجال عملها تكنولوجيا المراقبة، اصحابها ثلاثة Niv Carmi و Omri Lavie و Shalev Hulio ودول اللي اتعمل علي اسمهم اسم الشركة NSO ودي اختصار الي Niv, Shalev and Omri
الشركة في اول ٣ سنين حققت ٤٠ مليون دولار و في ٢٠١٥ حققت ١٥٠ مليون دولار ارباح
?
الشركة اتعرضت للبيع في ٢٠١٧ بمبلغ مليار دولار، في ٢٠١٩ دخل مستثمر واشتري اغلب الاسم وهو novalpina.
في ٢٠١٩ الفيسبوك ومعاه الذراع الاخر حطوا الشركة علي قائمة CFAA ودي قائمة خطيرة بيتحط فيها الناس بتوع الاحتيال وسوء استخدام الكمبيوتر.
هنعرف ليه الفيسبوك عملت كده لاحقا.
?
NSO بتقول انها بتقدم خدمات بشكل قانوني للحكومات فقط انها تقدر تكتشف المخاطر الجديدة نتيجة استخدام التكنولوجيا في العمليات الارهابية.
الشركة طبقا لاخر احصائية معلنة في ٢٠١٧ اعلنت ان عندها ٥٠٠ موظف من عباقرة برمجيات التجسس.
مش هتكلم عن مين هما اصحاب الشركة وتاريخهم لانه مش مجاله
?
