من صفحة Dahab Stories
لو سمحت يا ادمن تقبل البوست
يوم التلات كنت انا وزوجي واولادي اساعه ٨ بليل كنت علي طريق شرم الشيخ الجديد العربيه سخنت مننا جدا وطلعت شراره ودخان ووقفت وحلفت مادور تاني طبعا وقفنا في حته مايعلم بيها الاربنا قبل مدينه الطور ب ٧٠ كيلو
⬇️
مش هتشوف ايدك لو العربيه طفت نور طبعا انا كنت هموت حرفيا وجوزي بيحاول يشغل العربيه بس هو عادي معندوش حتت الخطف دي او القتل مبيخفش من الاخر وقتلي مفيش الكلام ده متخفيش
روحت ماسكه التليفون كتبت بوست علي الجروب ده وطبعا مكنتش فاكره ان حد هيكلمني
⬇️
ولا يبعتلي لقينا واحد قالنا هشدكو لحد النور يارب يكرمك دنيا واخره طول حياتك دعتلك بظهر الغيب ودانا لحد البنزينه
صراحه معرفش مين ال ضافني علي الجروب المحترم ده
كتبت البوست واتصلت ب ١٢٢ رد عليا واحد محترم كده قولتلو ونبي احنا واقفين وعطلانين انا خايفه
⬇️
قالي ٥ دقايق وهتلاقي عربيه تامين عاندك متخفيش خالص وبلغي جوزك اننا جاين طبعا انا كنت فكره هيقولي جرا ايه ياختي ناجده ايه ال بتتصلي بيها وكمان جوزك مهندس مايصلح العربيه ياختي
لكن الراجل ربنا هيكرمو من ادبو واخلاقو
⬇️
بعد شويه الراجل اما شدنا للبنزينه لقيت عربيتين بوكس
٥ دقايق لقيت النقيب المحترم نقيب ياسر قسم طور سيناء بيتصل واحنا معاكم واي حاجه كلمينا والتأمين معاكي اهو شويه ولقيت ظابط محترم من كمين جمب البنزينه قالي انا سمعت علي الجهاز ان في عربيه اسره معطله وجاي ومعاه افراد
⬇️
