ثريد | Thread:
بوقاتي تشيرون اسرع سيارة انتاجية بالعالم
هل تستحق سعرها الي يتجاوز 10 مليون ريال لأقل فئة ؟
بسلسلة التغريدات هذ راح اخذكم بجولة في مصنعها الي تسميه بوقاتي "مصنع الاحلام" ونتعرف اكثر على السيارة
السلسلة طويلة مشغول فضلها وارجعلها بعدين ❤ https://t.co/8nTgZMUaOu
مصنع بوقاتي او مصنع الاحلام الفرنسي تم تصميمه على شكل حذوة الحصان .. وهذا هو نفس شكل الشبك الامامي لسيارات بوقاتي
المصنع يذكرنا بالي نشوفه بافلام الخيال العلمي
الفرق الوحيد ان العنصر البشري هو المسيطر هنا ..
لان كل سيارات بوقاتي يتم تجميعها يدويا من البداية الى النهاية https://t.co/0wcAZIQ89f
حاليا الطراز الاساسي عند بوقاتي هو تشيرون وفيه طرازات ثانية تعتبر نسخ خاصة
تستغرق التشيرون شهرين لين تتم عملية جمع ال 2600 قطعة الي تشكل السيارة
في منطقة التجميع بالمصنع 20 موظف يجمعون 16 سيارة في نفس الوقت
طبعا كزبون لبوقاتي تقدر تجي للمصنع وتتفرج على سيارتك اثناء الانتاج https://t.co/CUf4rJpRWs
تصنيع البوقاتي يتم حسب الطلب والعميل يحدد كل شي بالسيارة
بحيث يختار بين 23 لون خارجي اساسي و 31 لون من الجلود و 8 انواع من الكنتارا
ما اعجبك اي شي من الخيارات هذي ؟ بوقاتي راح تصنع لك اي لون تبغاه من ضمن الاف الخيارات
لكن مو هذا السبب الي رفع سعرها https://t.co/8WKAH5CmzP
محرك السيارة اعجوبة هندسية 16 سلندر بقوة 1500 حصان .. يعني اقوى من 13 هيونداي اكسنت مجتمعة
والسرعة القصوى للسيارة 420 كم/س
عشان تحقق هذي الارقام استعملت بوقاتي اقوى وأخف المواد بالعالم .. وبعضها يوجد فقط بالطائرات وسيارات الفورملا 1
مثل المغنيسيوم والتيتانيوم والكاربون فايبر https://t.co/P7trCDYI1C
