إيه هو أصل القضية الفلسطينية؟??
بداية معرفتي الحقيقية باللي بيحصل في فلسطين كان من سنتين سنة ٢٠٢١ في حي الشيخ جراح والفيديوهات والصور اللي شوفتها بعيني مش مجرد حكاوي اتحكت ليا ( واللي طلع هو نفس السناريو اللي بيحصل من يوم ما اليهود دخلوا أرض فلسطين)
ناس بتبقا قاعده في بيوتها على أرضها في بلدها يدخل عليها ناس عايزين يطلعوهم من بيوتهم ويقعدوا مكانهم ولو حصل أي اعتراض من أهل البلد يقتّلوا ويدّبحوا فيهم لغاية ما ياخدوا الأرض وينسبوها لنفسهم.
زمان مكانش فيه نت ولا فيديوهات تصور اللي حصل لكن اللي بيحصل دلوقت وبنشوفه بعينينا يعرفنا كويس أوي إيه اللي حصل زمان.
طب إيه اللي حصل زمان ومين هم الصهاينة وازاي دخلوا فلسطين وإيه هي المقاومة دي؟
لو رجعنا بالسنين هنلاقي إن اليهود دول كانوا عبارة عن ناس ملهمش مأوى موجودين في كل حته ملهمش مكان محدد
لغاية البداية ظهرت سنة ١٧٩٩
لما نابليون بونابرت وعد اليهود بوطن يجمعهم
لغاية سنة ١٨٩٧ ظهرت حركة اسمها الحركة الصهيونية :هي حركة فكرية مش ديانة هدفها وجود دولة يهودية معترف بيها دوليا وظهرت على يد واحد اسمه(Theodr Herzl).
الحركة دي مكانتش مقررة إنهم هياخدوا فلسطين بالذات كوطن لليهود ولكنهم كانوا بيختاروا بين ٣ دول هم (الأرجنتين أو أوغاندا أو فلسطين).
