طيب ياشباب بالنسبه لسؤال انخفاض السكر. ان المريض واعي ويتكلم معك ومشكلته يحس بدوخه لان السكر عنده نازل الى 40. سؤالنا كان هل الافضل نعطيه بالوريد في هالحاله ام بالفم؟
?راح نشرح الموضوع بشكل واضح للكل
اولا لو افترضنا ان المريض مشكلته انه ما اكل من فتره طويله ونزل عنده السكر وجيت انا واعطيته محلول بالوريد وخلاص راحت الدوخه ومشيت عنه. هنا ممكن ان حاله المريض تحسنت بالبدايه لكن بترجع تتدهور في حال انه ما اكل. والسبب ان المحلول الوريدي السكري لما يدخل الجسم بكميه عاليه
الجسم راح يستشعر وجود ارتفاع مفاجئ بالسكر فراح يطلع كميات انسولين بشكل كبير عشان يسيطر على ارتفاع السكر اللي دخل للجسم بشكل سريع.كميات الانسولين الكبيره اللي افرزها الجسم كرد فعل راح تنزل السكر مره ثانيه بشكل سريع ويرجع المريض يدخل في نوبه انخفاض سكر ثانيه بعد ساعات.
ف العلاج الوريدي لانخفاض السكر نعطيه في حالات ال hypoglycaemia emergency اللي هي بمعنى اصح يكون فيها انخفاض بالوعي او اغماء والمريض مايقدر لايتكلم معك ولاياكل فنروح نعطي محلول بالوريد وهدفنا هنا ان المريض يصحصح وبعدها ياكل اكل
طيب النقطه الثانيه. في حال كان المريض واعي ومتجاوب معك ويقدر يتكلم طبيعي فالأفضل 100% انك تعطيه سكر بالفم وبنشرح السبب لاحقا. الطريقه الصحيحه هي انك بالبدايه تعطيه سوائل حاليه بغض النظر عن ايش السوائل.. عصير بيبسي ماي وسكر او عسل ماتفرق المهم انها سوائل فبترفع السكر بسرعه. وبعدها
