بذكر قصة حصلت لي في جده قبل كم سنه..

وأرجو ان تكون التجربة درس للبعض .

في احد الايام كنت عند شخص تعرفت عليه في جده .. وكان دائما يطلب مني اروح معاه للاستراحة يملكها ... وكان يلزم علي في كل مره وانا اتعذر واحاول اتجنب التجمعات .. ولا احب اجالس الا من اعرفهم من مده طويلة ...

لكن ذلك اليوم الح واصر ارافقه .. وقال انا عازمك ومسوي عشاء ولا اقبل اعذار ..

فمشيت معه .. ووصلنا الاستراحة وكانت جهة الحرازات في جده ..

وكان فيها ابن عمه .. وكان ينتظر صاحب له جاي في الطريق

المهم اول مادخلت وسلمت عليه عرفت بانه سكران .. ولاحظت بان الوضع كله غلط ...

طبعا حاولت اني اتحجج باعذار عشان امشي ولكن لزموا علي وقالوا العشاء على وصول ...

شوي ووصل صاحبهم ..دخل وبيده اكياس وعلبه ماء ابو ٧ريال .. احسبها ماء واثرها شراب ..

وكان معاه ٤ بنات ...

انا انزعجت وكنت بمشي ولكن لحقوني الى الباب وقالوا العشاء جاهز تعش وبعدها اذا ماناسبك الجو امش..

المهم جلست وتعشينا وكانوا البنات معنا ولاحظت بان ٣ منهم متعودين على الامور هذي بس فيه وحده منهم رفضت تتعشى وكان باين عليها التوتر والارتباك ..

المهم بعد ماقاموا البنات دخلوا احد الغرف ومعهم البنت هذي فسمعت ابن عم خويي ذاك يقول لهم(( البنت الجديده اول مره تطلع وبنفلم فيها ))..

وقال كلام تكرم مسامعكم عنه مايليق ..

المهم ماكان الموضوع في بالي وكان همي اني امشي ..

طلعت اغسل فشفت البنت تكلم وكانت متوتره وخايفه تبغى تمشي بس تنتظر خويتها الي جابتها يمشون سوى ..

وفهمت من مكالمتها انها متضايقه ولا كانت متفقه مع خويتها على كذا .

المهم توجهت لها وسالتها ..