ماف Standards عموما !!

....

حياة غيرك ما حقتك...

اتولدنا في ظروف مختلفة..

ظروف اسرنا ما واحدة

لعب طفولتنا مختلف...

اصحابك و اصحابي ما واحد..

مدارسنا مختلفة..

ما كلنا بنخاف من الكلاب..

الجلد البكاك يمكن يكون ما بكاني..

كل الامور دي لازم تكون ثوابت في ذهن اي زول..

قبل ما تفكر او تحكم او تفرض رأيك..فكر في طبيعة فهم غيرك.

شنو الخلا غيرك ينظر ل نفس المسألة بمنظور مختلف عنك؟..ليه تصرفوا منفرد

لييه ما عمل نفس العملتوا..

نمط حياتك من وانت صغير مختلف تماما عن اي انسان حولك حتى اخوك..

ارجعوا للتفاصيل الصغيرة ايام زمان...اتذكر الكان بزعلك و ما بزعل

غيرك.

حتى الملح في الجرح ما كلنا بنتحملوا.

تجربتك و تجربتي ما واحد

تجربتك و تجربتي ما واحد

تجربتك و تجربتي ما واحد

تجربتك و تجربتي ما واحد

ما كلنا بقرا اخر ايام و ننجح..

و ما اي زول بقرا من اول السمستر بنجح..

انت براك في الدنيا دي...فهمك براك

نظرتك براك

قرارك سلاحك

انت البتتحمل مسؤولية نفسك..

اسمع كلام غيرك و افشل...حتندم و تكره نفسك و تكرهوا

اسمع كلام نفسك و افشل حتصلح غلطك للمرة البعدها....استمر ي مان

ماف حاجة اسمها

( فلان لم عمل كدا مشت معاو )..يبقى اعمل زي فلان..

فلان ما زيك و لا بشبهك..

فلان حظو في حاجات انت حظك فيها سئ...

و العكس

حياتك العملية انت البتحدد مسارها حسب المعطيات العندك..

ما كلنا بنتحمل الضغط.

ما كلنا بنتحمل الخلاء

ما كلنا بنتحمل الكلام..

شوف البتتحملوا و امشي معاهو..

الشمس ال نفعت معاك ما بتنفع مع غيرك

و المكيف الكتير بجيب ليك مرض لكن مع غيرك ظابط.

.

ما عشان مشيت كداري يبقى البركب عربية باطل