ثريد طويل شويتين بس نظرا للقرارات الاخيرة المتعلقة بالدولار و #الاستيراد تحديدا. فقررت اضيف وجهة نظرى و اشرح و اقترح حلول
#المستورد وان كان حجمه صغير او كبير بيشتغل معاه و بيدفع:
١-شركة شحن و مستخلص جمركى
٢-التأمين ان وجد
٣-ارضيات و حراسة و تخزين سواء فى المستودعات او الميناء
٤-ضريبة جمركية على الوارد
٥-ضريبة قيمة مضافة على الوارد
٦-ضريبة ارباح تجارية و صناعية
٧-ضريبة جدول ان وجد
٨-سائق /شركة نقل من الميناء للمخزن و من المخزن للعميل
٩-رسوم كارتات/ميزان
١٠-عمال/شيالين/ونش
١١-مخازن
١٢-ضريبة قيمة مضافة عند البيع
١٣-ضريبة دخل على صافى اعمال السنة
١٤-المستورد بيشتغل معاه موظفين بياخدوا مرتبات
١٥-المستورد بيكسب فيتوسع فى الشغل او يشترى عقارات عربيات يدخل عياله مدارس و جامعات محترمة شغال فيه مصريين بردو.
١٦-بيدفع كهربا و غاز و بنزين و سولار و مياه و فواتير تليفون و انترنت.
١٧-بيدفع عمولات و مصاريف بنكية و رسوم لوزارة التجارة على العملية الاستيرادية
يعنى المستورد بيعمل #قيمة_مضافة و فيه ناس كتير بتاكل عيش من وراه و بتشتغل معاه و كمان الدولة بتستفيد ضريبيا من وراه و من ورا كل المهن ديه.
و لو المستورد بيوفر كمان قطع غيار المصانع بتحتاجها للمعدات و الماكينات وده هنا تكامل القيمة المضافة اللى بنتكلم عليها
