وياه
قمة الهرم الغنائي لـ عمرو دياب
من 12 سنة وفي أواخر شهر يونيو سنة 2009 عمرو دياب طرح ألبوم (وياه) اللي كان الألبوم رقم 25 في مسيرته الغنائية اللي بدأت في 1983
(وياه) هو قمة مستوى عمرو دياب التصاعدي اللي بدأ بداية التسعينات لحد ما وصل لأعلى نقطة في ألبوم (وياه) https://t.co/h8RaN2L7Q1
كالعادة ألبوم وياه لما نزل عمل صدمة في الشارع المصري والعربي وده كان طبيعي لأن الناس كانت في انتظار عمرو دياب من سنتين من بعد ألبوم الليلادي ودي أطول فترة غاب فيها عمرو دياب
واللي زود الصدمة واحنا بنسمع مواضيع أغاني جديدة وأشكال موسيقى جديدة وتنوع واختلاف كبير جدا في أغاني الألبوم وده كان استمرار لطفرة الموسيقى اللي عملها عمرو دياب في ألبوم (علم قلبي)
واللي زود الصدمة أكتر وأكتر (نيو لوك) عمرو دياب والتاتو على كتفه واسم ابنه (عبد الله)
دعايا وإعلانات ألبوم وياه بدأت قبل طرحه بكذا شهر بالتحديد من أول إعلانات بيبسي (الله على حبك انت-طمني) وده كان تأكيد إن عمرو دياب نازل في صيف 2009 وبعد غياب سنتين
بسبب تسريب الألبوم وقتها فالشركة المنتجة قررت طرحه قبل المعاد المقرر ليه عشان ينزل في الأيام الأخيرة من شهر يونيو
12 أغنية متوزعين على 7 شعراء - 7 ملحنين، فكان طبيعي يبقى الألبوم فيه تنوع كبير في الأفكار وأشكال الأغاني والألحان
رجع عمرو في ألبوم وياه يتعامل مع موزع موسيقي واحد للألبوم بالكامل وهو حسن الشافعي لأول مرة من ألبوم (أكتر واحد بيحبك) مع طارق مدكور
