الاسئلة اللي جاتلي بعد كلامي عن ال Meditation (التامل) كانت معظمها

"ايوه يعني اعمل ايه ابدا ازاي؟

هقول اللي جربته ونفع معايا كمبتدئ و مستوي متطور شوية

معلومات تهمك

* ابدا باي قعدة مريحة ومش لازم تعمل حاجة بايدك، لان الشغل كله جوا دماغك. اي وضع مريح تمام حتي لو هتمدد بس ماتنمش https://t.co/aahFuAbrwj

*ممكن تبدأي بدقيقتين بس في اليوم وتزودي بالراحة

*مافيش حاجة اسمها المرة دي باظت وماكنتش مركز. طالما انت ماستسلمتش وقومت بدري انت تمام وبتبني اساس

*Guided Meditation فيديوهات يوتيوب بتقولك تعمل ايه خطوة خطوة دي اسهل حاجة تبدا بيها. مش بفضلها بس كبداية مش بطالة.

يالا نبدأ الطرق

⭐️مستوي سهل

اقعد في وضع مريح

ابدا عد بالعكس من ٦٠ ل صفر

مع كل شهيق عد وكرر نفس العدة مع الزفير

يعني شهيق ٦٠ زفير ٦٠

شهيق ٥٩ زفير ٥٩..

لما تتلخبط ابدا من الاول

الفكرة ان انت هتبقي مركز كليا علي تنفسك والعد فامش هيبقي في مجال تفكر في حاجة تانية

تدريب هيخليك مركز (present & aware)

⭐️

Happy place Meditation (المكان السعيد)

اصعب شوية ومحتاج تركيز

تبدا تتخيل (visualize) المكان اللي لو كنت فيه هتبقى في اسعد حالاتك وتبني تفصيلة تفصيلة في المكان ده.

تخيل ملمس الحاجات، ايه موجود حواليك، الروايح والاصوات، كل ماتزود تفاصيل كل ما تركيزك ووجودك في اللحظة هيقوي.

ده كمان يعتبر manifestation بس دي قصة تانية

لما بدات كان اخري اتخيل اني قاعد عالبحر دلوقتي عندي بيت دورين عالبحر في Okinawa, japan عارف كل حاجة موجودة في البيت باللون والخامات، عارف ال view من اوضة النوم عالبحر شكله ازاي بالظبط وقت الشروق. وكل مرة بعيد التفاصيل وازود عليها وهكذا