ثريد انهاردة
واحد من اهم نجوم الكرة المصرية في تاريخها لاعب لم يختلف علي حبه الجمهور المصري بمختلف إنتمائاته معشوق جمهور الزمالك اللي لو جه الزمالك في زمن غير الزمن كان اصبح افضل لاعب في تاريخ مصر
كلامنا انهاردة عن الجوهرة السمراء.
احمد عبده عبد العزيز والشهير ب
أحمد الكاس
١/٢٤ https://t.co/3vigq0SWjh
احمد عبده عبد العزيز ..مواليد ٨ يوليو ١٩٦٥ بمحرم بك في اسكندرية يعني حي الأمراء والباشوات والرجالة الجدعان ولاد البلد ولكن أصوله نوبية فوالده من قرية عنيبا ووالدته من قرية تسمى الجنينة والشباك ويجيد التحدث باللغة النوبية والده كان عاشقاً لكرة القدم وتحديدا لنادى الأولمبى
٢/٢٤ https://t.co/C74OtVyLZn
بدايته مع الأوليمبي بالصدفة ..والده كان بيعشق النادي الأوليمبي وكل جمعة كاسو يروح يزور عمه الزملكاوى المتعصب اللي حببه في فاروق جعفر وحسن شحاتة وبدأ كاسو يحب الكرة ويحب الزمالك ونتيجة إقامته في اسكندرية وتعلق والده بالأولمبي مكانش قدامه غير انه يبدأ حياته مع الأوليمبي.
٣/٢٤ https://t.co/q1sLicZWte
بيحكي كاسو بيقول انه مرة خلال مشاهدته لتدريبات الأوليمبي تم تسديد كرة بعيدة فذهبت وراء الكرة وبدأت أقلد كابتن فاروق جعفر وفجأة لقيت كابتن فتحى النحاس مدرب الفريق الأول جمبى قالى أنت مين وبتعمل إيه هنا خفت وعيطت وقولت له أنا جاى مع بابا والدى وصل قاله أبنك هيبقى لاعيب كبير .
٤/٢٤ https://t.co/lhIBm8n5kC
بدأ كاسو مشواره مع الكورة في ناشئين الأوليمبي وهو عنده ١٠ سنين وقتها الأوليمبي كان بيلعب في دوري المظاليم وساهم كاسو في صعود الأوليمبي الي دوري الأضواء و بدأ اسمه يلمع و بدأ التفاف الاسكندرانية وراه من مهارته العالية و تسميته الكاس علي اسم نجم الأوليمبي السابق محمد الكاس
٥/٢٤ https://t.co/KCd2RCMdsT
