مساء الخير....

و لو انت مش واخد بالك من اللي بيحصل ف الكوكب...

و لو إنتي مش واخدة بالك من اللي بيحصل ف الكوكب....

ف خليني اقولكوا ....

ومطولش عليكوا وقولواي طول.....

♦️أوكرانيا.....

من يومين كدا رومانيا طلعت طيارة مقاتلة سوخوي ٢١ حربية تستكشف الأجواء كدا حوالين اوكرانيا...

وتعمل جو شبحنة ف المنطقة ف إختفت من ع الرادار ...

الجيش بتاع رومانيا يسكت.... أبدا..

بعدها بيوم لما حس اني مفيش ولا حس ولا خبر ولا عارف إيه اللي حصل لطيارتة راح باعت طيارة تانية هيليكوبتر حربية تدور على الطيارة الأولى...

أوم الطيارة التانية برضوا راحت و مرجعتش ...

اللي هو راحت تجيب تار أبوها رجعت حامل بس دي للاسف برضوا مرجعتش !!

وجالهم خطاب شديد اللهجة من الجيش الروسي بيقولهم فيه...

يا بهااايم..... يا بهااايم...

بقا ضربتلك طيارة سوخوي مقاتلة تقوم باعتلي هيليوكوبتر تهددني بيها !!!

مش كدا وبس...

دا كمان تاني يوم خمس طيارات سوخوي ٣٥ روسي إخترقوا المجال الجوي للسويد

بس مش دا الخبر المهم يعني .....!!

الخبر المهم بقا ان أمريكا لما لقيت روسيا إستباحة الاجواء الاوروبية راحت بعتت بقا الشبح الامريكي طيارات إف ٣٥ اللي هي بقا قمة الرعب الامريكي يعني لكل الدول اللي جمب أوكرانيا...

اوم بقا طلعت منهم واحدة إف ٣٥ تتمطع ف الجو وتقولهم انا هنا ... هوب يا معلم دبل كيك إختفت من ع الرادار ولحد دلوقتي مش لاقينها لا ف البر ولا ف البحر

دا حسب رواية يورو نيوز ....